La 60:8 - BAIBLO ALOO NGMAMI KLƆUKLƆU Ɔ

⁸ Moab ji ye hedu buɛ. Ma sake ye tokota kɛ pue Edom nɔ kɛ tsɔɔ kaa a ye e nɔ. Ma he ose kɛ ye Filistia nɔ kunimi.”

La 60:8 ပူးပေါင်းရင်းမြစ်များ

Mose I, 25:23

Yawɛ de lɛ ke, “Bimɛ nɛ ngɛ o mi mi ɔ ma ba pee je ma enyɔ hwɔɔ se, nɛ́ a kɛ a he be yee. Kake he ma ba wa pe kake; nɛ nɔkɔtɔma a ma sɔmɔ jokuɛ ɔ.”

Mose I, 27:40

O klaate nɛ o kɛ ma he o yi wami. O ma sɔmɔ o nyɛminyumu ɔ. Se ke o na blɔ ɔ, O ma tsɔ e hɛ mi atuã, Nɛ o maa ye o he.”

Samuel II, 8:14

David to tabohi a hi hehi ngɛ Edom zugba a nɔ tsuo; nɛ Edom bi ɔmɛ ba plɛ pee e sɔmɔli. Yawɛ ha David ye kunimi ngɛ he tsuaa he.

Kronika I, 18:13

Abishai to ta buli a hi hehi ngɛ Edom, nɛ ni ɔmɛ nɛ ngɛ lejɛ ɔ ba plɛ pee Matsɛ David sɔmɔli. Yawɛ haa nɛ David yeɔ kunimi ngɛ he tsuaa he.

Mose IV, 24:18

E maa ye e he nyɛli ɔmɛ a nɔ ngɛ Edom; nɛ e maa ngɔ a zugba a; Israel maa ye kunimi daa.