La 60:6 - BAIBLO ALOO NGMAMI KLƆUKLƆU Ɔ

⁶ Mawu de ngɛ e he klɔuklɔu ɔ ke, “Ma hwɔ lele kɛ gba Shekem mi; nɛ ma dla Sukot kɔ̃ ɔ mi kɛ ha ye ma a.

La 60:6 ပူးပေါင်းရင်းမြစ်များ

Yoshua 13:27

Ngɛ Yordan kɔ̃ ɔ mi ɔ, mahi nɛ ngɛ lejɛ ɔ ji Bet Haram, Betnimra, Sukot, Safon, kɛ Heshbon nɛ ji Matsɛ Sihon nɔ yemi he nɛ piɛ ɔ. Bonyoku je huzu ɔ je Yordan pa a nya kɛ ya su Galilea wo ɔ nya tɔɔ ngɛ omleyi je.

Mose I, 12:6

Abram nyɛɛ kɛ be ngɛ zugba a nɔ kɛ ya su tso ngua a nɛ ngɛ More ngɛ Shekem ɔ he. Jamɛ a be ɔ mi ɔ, Kanaan bi ɔmɛ ngɛ zugba a nɔ kɛ mwɔɔ.

La 89:35

“I kɛ ye biɛ klɔuklɔu ɔ wo si kaa i be David lakpa yee gblegbleegble.

Amos 4:2

Nyɔmtsɛ Mawu ka e he kita ke, ‘Be ma, nɛ e be kɛe kulaa, nɛ a kɛ gbowe maa gbla nyɛ kɛ ho; nyɛ ti nɔ tsuaa nɔ maa pee kaa lo ngɛ gbowe nya.

La 119:162

O munyu ɔ ngɔɔ ye nya. Ye bua jɔɔ kaa nɔ ko nɛ e nine ya su ta yibu ní nɛ he jua wa nɔ.

La 56:4

I ngɔ ye hɛ kɛ fɔ Mawu nɔ, lɔ ɔ he ɔ, i yi gbeye. I ngɛ Mawu yi jee ngɛ si nɛ e wo mi ɔ he. Mɛni nɔmlɔ adesa ma nyɛ maa pee mi?

Yoshua 17:7

Manase huzu ɔ je Asher kɛ gu Mikmetat ngɛ Shekem beleku je. Huzu ɔ tsa nɔ kɛ gu leneyi je kɛ ya ná Entapua bi ɔmɛ.

Yoshua 1:6

O he nɛ wa, nɛ o pee kã; ejakaa mo nɛ o maa nyɛɛ ma nɛ ɔ hɛ mi kɛ ya ngɔ zugba a nɛ i ka a nɛmɛ ɔmɛ kita ke i kɛ ma ha mɛ ɔ nɛ.

Yeremia 23:9

I hao wawɛɛ nitsɛ, nɛ imi nɔmlɔ ɔ tsuo ye he ngɛ doe blibliibli. Yawɛ kɛ e munyu klɔuklɔu ɔ a he je ɔ, i pee kaa nɔ nɛ tɔ dã, loo nɔ nɛ nu dã pe nine.

La 132:11

Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.

La 89:19

Be ko ɔ, o kɛ o tsɔli klɔuklɔu ɔmɛ tu munyu ngɛ nina mi, nɛ o de mɛ ke, “I fi katsɛ ko jlasi. I ngɔ matsɛ sɛ ɔ kɛ ha nɔ ko nɛ i hla kɛ je ma mi bi ɔmɛ a kpɛti.

Samuel II, 3:18

Jehanɛ lɛɛ be ɔ su; nyɛ tsu he ní. Nyɛ kai kaa Yawɛ wo David si ke, ‘Ma gu ye tsɔlɔ David nine nɔ kɛ kpɔ ye ma, Israel kɛ je Filisti bi ɔmɛ, kɛ a he nyɛli ɔmɛ tsuo a dɛ mi.’ ”

Yoshua 24:32

A pu Yosef wuhi nɛ Israel bi ɔmɛ ngɔ kɛ je Egipt kɛ ba a ngɛ Shekem, ngɛ zugba ko nɛ Yakob he ɔ mi. E he zugba nɛ ɔ kɛ sika hiɔ kpɔ lafa ngɛ Shekem tsɛ, Hamor bimɛ ɔmɛ a dɛ. Zugba nɛ ɔ ba pee Yosef nina a weto ní.

Yoshua 24:1

Yoshua bua Israel wɛtso ɔmɛ a nya kɛ ba kpe ngɛ Shekem. E tsɛ ma nimeli ɔmɛ, asafoatsɛmɛ ɔmɛ, kojoli ɔmɛ, kɛ Israel tsɔli ɔmɛ kɛ ba Mawu hɛ mi.

Yoshua 20:7

Lɔ ɔ he ɔ, ngɛ Yordan pa a bonyoku je ɔ, mahi nɛ a hla kaa wesa hehi ji nɛ ɔmɛ nɛ: Kedesh ngɛ Galilea, ngɛ Naftali yo ɔ nɔ; Shekem ngɛ Efraim yo ɔ nɔ, kɛ Kiriat Arba ngɛ Yuda yo ɔ nɔ. Kiriat Arba biɛ kpa ji Hebron.