La 60:5 - BAIBLO ALOO NGMAMI KLƆUKLƆU Ɔ

⁵ Ngɔɔ o he wami kpetekpleenyɛ ɔ kɛ he wa yi wami. Bu wa kue fami ɔ tue, konɛ ma nɛ mo nitsɛ o suɔ ɔ yi nɛ na wami.

La 60:5 ပူးပေါင်းရင်းမြစ်များ

La 127:2

Yaka gu nyɛ teɔ si makɛ mla, nɛ gbɔkuɛ hu nyɛ ya hwɔ we si mla. Nyɛ gboɔ dengme loko nyɛ naa nɔ́ ko bɔɔ pɛ nyɛ yeɔ, se nɔ nɛ Mawu suɔ e sane ɔ, e haa e hwɔɔ mahe bɔ nɛ sa.

La 17:7

Mo je o nyakpɛ suɔmi nɛ ngɛ daa a kpo kɛ tsɔɔ nihi nɛ ngɔɔ a hɛ kɛ fɔɔ o nɔ ɔ; nɛ o kpɔ mɛ kɛ je ni nɛmɛ nɛ teɔ si kɛ woɔ mɛ ɔ a dɛ mi.

La 18:35

Yawɛ, o bu ye he, nɛ o he ye yi wami; o hyɛ ye nɔ saminya, nɛ i pee nɔmlɔ. O pɛtɛ ye he wawɛɛ, nɛ lɔ ɔ ha nɛ i ye ye he.

La 20:6

Jehanɛ lɛɛ i le kaa Yawɛ ma he nɔ nɛ e pɔ lɛ nu ɔ yi wami. E maa bu lɛ tue kɛ maa je e hiɔwe klɔuklɔu ɔ; e maa piɛ e he kɛ ye kunimi nguanguahi.

La 22:8

A deɔ ke, “Tse e ke e ngɔ e hɛ kɛ fɔ Yawɛ nɔ? Yawɛ nɛ he e yi wami koo? Ke Yawɛ suɔ lɛ ɔ, mɛni he je e ba píɛ we e he?”

La 60:12

Nɛ́ Mawu kɛ wɔ ngɛ nɛ ɔ, wa maa ye kunimi. Lɛ ji nɔ nɛ maa ye wa he nyɛli ɔmɛ a nɔ ha wɔ.

La 71:20

Mo lɛ o ha nɛ i na amanehlu babauu, mo nɔuu lɛ o ma ha ye yi ma na wami ekohu. O maa kpale mi kɛ je gbeje kɛ ba je mi ekohu.

La 74:11

Mɛni he je lɛ o bɛ nɛ o ba piɛ wa he? Mɛni he je lɛ o bua o nine nya?

La 75:9

Se imi lɛɛ ma ye Yakob Mawu ɔ he odase kɛ maa ya neneene; ma la kɛ je e yi daa.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

Yeremia 11:15

Yawɛ ke, “Nimli nɛ i suɔ saminya a, yayami sɔuu lɛ a ngɛ pee. Anɛ a ngɛ he blɔ kaa a hii ye we ɔ mi lo? Anɛ a susu kaa ke a wo mi si babauu, nɛ a ngɔ lohwehi kɛ sã bɔ ha mi ɔ, haomi ko nɛ maa ba a nɔ ɔ, a kɛ ní nɛ ɔmɛ a peemi maa tsi jamɛ a haomi ɔ nya lo? Ke e ba mi ja a, anɛ a ma na bua jɔmi lo?

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Mose V, 33:12

Bɔ nɛ Mose gbaa Benyamin wɛtso ɔ ji nɛ ɔ nɛ: “Yawɛ suɔ Benyamin bi ɔmɛ a sane, nɛ e baa a yi. E buu a he daa ligbi, nɛ e kɛ mɛ ngɛ.”

Mose V, 33:3

Yawɛ suɔ e ma a; nihi nɛ ji e ni klɔuklɔu ɔmɛ ɔ, e baa a yi. Lɔ ɔ he ɔ, wa kplaa si ngɛ e nane nya; wa jaa lɛ, nɛ wa yeɔ e mlaa amɛ a nɔ.