La 6:6 - BAIBLO ALOO NGMAMI KLƆUKLƆU Ɔ

⁶ Kɔmɔ yemi sɔuu ha nɛ i gbɔjɔ; daa nyɔ mi ɔ, ye sa pɔɔ kɛ vo nyu sɔuu; daa nyɔ mi ɔ, i foɔ ya kɛ pɔɔ ye sɔne.

La 6:6 ပူးပေါင်းရင်းမြစ်များ

La 69:3

I kpa ngmlaa kɛ tsɛ balɔ hluu nɛ pɔ tɔ mi, nɛ ye kuɔ si kpɔ; i hyɛ blɔ hluu kɛ ya si ye hɛngmɛ se gbo.

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

La 38:9

Nyɔmtsɛ, o le ye hiami ní ɔmɛ tsuo; ye kɛmɛmi ɔ hu o le.

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Hiob 16:20

Ye huɛmɛ ɔmɛ yeɔ ye he fɛu, se i faa kue haa Mawu kɛ vo nyu.

Hiob 7:3

Bɔ nɛ ye sane ɔ ngɛ pɛ ji nɛ ɔ nɛ: nyɔhiɔhi babauu ji nɛ ɔ nɛ i hii si kɛkɛ; daa nyɔ mi ɔ, dekla sɔuu.

Luka 7:38

E ba da si ngɛ Yesu nane he, ngɛ e se je, nɛ e bɔni ya fomi; nɛ vo nyu ɔ pue Yesu nane ɔmɛ a nɔ. Kɛkɛ nɛ e kɛ e yi bwɔmi tsu Yesu nane ɔmɛ a he; e fiɔ he, nɛ e plɛ nu kɛ e he via a kɛ pue nɔ.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

La 88:9

Aywilɛho sɔuu ha nɛ ye hɛngmɛ nɔ ha. Yawɛ, i tsɛɔ mo daa nɛ; i woɔ ye nine nɔ, nɛ i faa kue kɛ haa mo daa.

La 39:12

Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

Hiob 10:1

Je mi himi ba gbe ye nya; jehanɛ, bu ye sane ɔ tue.

La 30:10

Yawɛ, moo bu mi tue nɛ o na mi mɔbɔ! Yawɛ, moo piɛ ye he!

La 88:11

O suɔmi nɛ be nyagbe ɔ, anɛ yɔkɔ mi lɛ a maa wo nɔ ta ngɛ lo? O we anɔkuale yemi ɔ, hɛ mi kpatami he ɔ a maa sɛɛ ngɛ lo?

La 115:17

Ni gbogboehi je we Yawɛ yi; nɔ ko je we Yawɛ yi ngɛ gbeje.

Yesaya 38:18

Ni gbogboehi be nyɛe ma je o yi. Ee, ni gbogboehi be nyɛe maa na mo si. Ni gbogboehi be nyɛe maa ngɔ a hɛ kɛ fɔ o nɔ kaa o yeɔ anɔkuale be tsuaa be.