La 59:7 - BAIBLO ALOO NGMAMI KLƆUKLƆU Ɔ

⁷ Mɛ lɛ a ngɛ ngmlaa kpae hoo ngɛ lejɛ ɔ nɛ; a ngɛ huãe kɛ ngɛ pɛe ke, “Mɛnɔ maa nu wa he?”

La 59:7 ပူးပေါင်းရင်းမြစ်များ

La 10:11

Nɔ́ nɛ yiwutsotsɛ nɛ ɔ deɔ ngɛ e yi mi ji, “Oo, Mawu hɛ je nɔ; Mawu má e hɛngmɛ; e hyɛ we mi tete po!”

La 10:13

Mɛni he je yayami peelɔ ma kua Mawu? Mɛni he je lɛ e ma de ngɛ e yi mi ke, “Oo, e tsa be mi nɔ́ ko pee” ɔ?

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

La 73:11

Nɔ́ nɛ a deɔ ji, “Oo, Mawu be lee! Hiɔwe No ɔ, kɛ e maa pee kɛ le kɛɛ?”

La 94:4

Yayami peeli maa hi munyu tue puu kɛkɛ, nɛ a maa hi fĩae kɛ yaa si mɛni be?

Abɛ Womi 12:18

Munyu nɛ a tuɔ kɛkɛ nɛ juɛmi be mi ɔ, e yeɔ nɔ awi kaa klaate. Se ní lelɔ nya mi munyu tsaa nɔ.

Abɛ Womi 15:2

Ní leli a ní sɛɛmi ngɔɔ ngɛ tue mi; kuasiahi lɛɛ munyu nɛ jeɔ a nya mi ɔ, juɛmi be mi.

Abɛ Womi 15:28

Ke dalɔ ma ha munyu heto ɔ, e susuɔ he saminya. Yiwutsotsɛ lɛɛ munyu yaya lɛ jeɔ e nya mi.

Yeremia 33:24

“Tse o nu kaa nihi ngɛ dee ke weku enyɔ, Israel kɛ Yuda nɛ i hla a, imi Yawɛ, i kua mɛ! Enɛ ɔ he je ɔ, a gbeɔ ye ma a he guɛ, nɛ a bui mɛ hu kaa je ma ko ji mɛ.

Kɔmɔ Yemi 3:62

Be tsuaa be ɔ, ye he munyu yaya sɔuu a ngɛ tue. Jã kɛ̃ a ngɛ a ga yaya amɛ toe.

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.