La 59:5 - BAIBLO ALOO NGMAMI KLƆUKLƆU Ɔ

⁵ Yawɛ Tabohiatsɛ Mawu, mo ji Israel Mawu ɔ nɛ! Tee si nɛ o ba gbla je ma amɛ a tue. Yiwutsotsɛmɛ nɛ ngɛ yi mi yaya toe ɔ, koo na mɛ mɔbɔ.

La 59:5 ပူးပေါင်းရင်းမြစ်များ

La 84:8

Yawɛ Tabohiatsɛ Mawu, bu ye kue fami ɔ tue! Yakob Mawu, moo bu mi tue koo!

La 55:15

Ha nɛ ye he nyɛli ɔmɛ nɛ a gbo tlukaa; ha nɛ a hi a nane nya kɛ ya gbeje! Ejakaa yayami ngɛ a we ɔmɛ a mi, kɛ a tsui mi.

La 9:15

Muɔ ɔ nɛ je ma amɛ tsua a, mɛ nitsɛmɛ a nɔ mi. Klama a nɛ a tsɔ kɛ laa a, mɛ nitsɛmɛ a nane ya du lɛ.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Romabi 9:6

I tsɔɔ we kaa Mawu siwo ɔ peeɔ yaka. Ejakaa pi Israel ma a tsuo ji Israel bi anɔkuale mi.

Amos 9:7

Yawɛ ke, “Israel ma, nyɛ ngɛ kaa Sudan bi ɔmɛ nɔuu ha mi; i susuɔ nyɛɛ kɛ mɛ tsuo nyɛ he fiee. Anɛ pi imi nɛ i je Filisti bi ɔmɛ kɛ je Kreta lo? Anɛ pi imi nɛ i je Siria bi ɔmɛ kɛ je Kir kaa bɔ nɛ i kpaka nyɛ, Israel bi ɔmɛ hu kɛ je Egipt zugba a nɔ ɔ lo?

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yesaya 1:10

Yerusalem, nyɛ nɔ yeli ɔmɛ, kɛ nyɛ ma a mi bi ɔmɛ ngɛ kaa Sodom kɛ Gomora bi pɛ. Nyɛɛ bu nɔ́ nɛ Yawɛ ngɛ nyɛ dee ɔ tue saminya.

La 80:4

Yawɛ Tabohiatsɛ Mawu! O ma mi bi ɔmɛ a kue fami ɔ maa wo o mi mi la kɛ yaa si mɛni be?

La 54:3

Ejakaa ma je li ma mi tuami. Yiwutsotsɛmɛ ngɛ hlae nɛ a kpata ye hɛ mi; mɛɛ lɛɛ pi a he sane ko ji mo Mawu.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

Mose I, 33:20

Yakob ma bɔ sami la tɛ ngɛ lejɛ ɔ, nɛ e kɛ Israel Mawu ɔ biɛ wo lɛ.

La 7:7

Lɔ ɔ he ɔ, ha nɛ a bua je ma amɛ tsuo a nya kɛ bɔle mo, nɛ o je hiɔwe kɛ ye a nɔ.

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.