La 59:4 - BAIBLO ALOO NGMAMI KLƆUKLƆU Ɔ

⁴ A he sɔ, nɛ a dla kɛ wo ye he, pohu i pee we mɛ yayami ko. Tee si, ba piɛ ye he. Hyɛ kaa ye yi fi.

La 59:4 ပူးပေါင်းရင်းမြစ်များ

La 35:23

Ye Mawu kɛ ye Nyɔmtsɛ, tee si nɛ o fa ye he! Tee si nɛ o ye ye sane ɔ ha mi koo!

Romabi 3:15

A he sɔɔ kɛ muɔ si puemi.

Ni Tsumi 23:15

Lɔ ɔ he ɔ, nyɛɛ kɛ kpe ngua a mi bi ɔmɛ tsuo nyɛ ha nyɛ gbi ya su Roma asafoatsɛngua a. Nyɛ de lɛ ke e ngɔ Paulo ngɔ mane nyɛ. Nyɛɛ buá de lɛ ke nyɛ ngɛ hlae nɛ nyɛɛ hyɛ e sane ɔ mi fitsofitso. Se wɔɔ lɛɛ wa maa pee klaalo, nɛ wa maa gbe lɛ loko e maa su nyɛ ngɔ.”

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Yesaya 51:9

Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

Abɛ Womi 1:16

A he sɔɔ kɛ yayami peemi; a he sɔɔ kɛ pueɔ muɔ si.

La 44:23

Nyɔmtsɛ, o hɛ nɛ tsɛ! Tee si nɛ o hyɛ wɔ; ko kua wɔ kulaa!

La 35:19

Ko ha nɛ ye he nyɛli lakpatsɛmɛ ɔmɛ nɛ a nya. Nihi nɛ nyɛɔ mi yaka gu ɔ, ko ha nɛ a kpɛ mi.

La 5:6

Mo Yawɛ, o kpataa lakpatsɛmɛ a hɛ mi. Muɔ si pueli, kɛ nɔ sisili lɛɛ o hiee mɛ kulaa.

Mose I, 40:15

Pani nya nɛ a nu mi kɛ je Hebri bi ɔmɛ a zugba a nɔ kɛ ba hiɛ ɔ; nɛ Egipt hiɛmɛ nɛ ɔ hu i pee we nɔ́ ko nɛ sa kaa a wo mi tsu.”

Samuel I, 19:4

Yonatan ya je David yi ha e tsɛ Saul, nɛ e de lɛ ke, “Tsaatsɛ, koo pee o tsɔlɔ David yayami, ejakaa e pee we mo yayami ko. Jehanɛ se hu, ní tsumihi nɛ e tsu ɔ tsuo pɛpɛɛpɛ ji dloomi agbo kɛ ha mo.

La 56:7

Mawu, ngɔɔ o mi mi la kɛ gbla kikɛmɛ a nimli nɛ ɔmɛ a tue ngɛ a yi wu tso ní ɔmɛ a he!