La 59:16 - BAIBLO ALOO NGMAMI KLƆUKLƆU Ɔ

¹⁶ Se imi lɛɛ ma la kɛ je o yi, ejakaa o he wa. Daa mɔtu ɔ, ma la wawɛɛ kɛ je o yi, ejakaa o suɔmi ɔ ngɛ daa. Be nɛ i ngɛ amanehlu mi ɔ, mo lɛ o bu ye he, nɛ o baa ye yi.

La 59:16 ပူးပေါင်းရင်းမြစ်များ

La 21:13

Yawɛ, wa ngɛ o yi jee ngɛ o he wami kpetekpleenyɛ ɔ he. Wa ma la kɛ je o yi, ejakaa o he wa wawɛɛ nitsɛ!

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Romabi 15:9

E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

La 30:5

E mi mi fuɔ be kuku kɛkɛ; se e mɔbɔ nami lɛɛ e ngɛ daa. O maa wo ya nyɔ mi, se ke je na pɛ bua jɔmi ba.

La 143:8

Mɔtu ɔ, ha ma kai bɔ nɛ o mi mi hi ha; ejakaa o nɔ i ngɔɔ ye hɛ kɛ fɔɔ. Ha nɛ ma le he nɛ ma gu; ejakaa mo pɛ o nɔ i ngɔ ye hɛ kɛ fɔ.

La 138:7

Ke i ngɛ amanehlu mi ɔ, mo lɛ o jeɔ mi kɛ jeɔ mi. Ke ye he nyɛli kɛ abofu ba na mi ɔ, o kɛ mɛ kpee, nɛ o kɛ o he wami kpetekpleenyɛ ɔ heɔ ye yi wami.

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

La 101:1

Yawɛ, ma la kɛ je o yi kɛ tsɔɔ kaa mɔbɔ nalɔ, kɛ dami sane yelɔ ji mo.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

La 145:11

A maa sɛɛ o matsɛ yemi ɔ hɛ mi nyami ɔ he ní, nɛ a ma de ke o kle saminya.

La 36:5

Yawɛ, o suɔmi nɛ be nyagbe ɔ kle agbo kaa hiɔwe ɔ tsuo. O we anɔkuale yemi ɔ ya suu bɔku ɔmɛ a he tɔɔ.

La 31:7

Ma nya, nɛ ma na bua jɔmi ngɛ o suɔmi nɛ be nyagbe ɔ he. O na ye nɔ́ nami ɔ; benɛ i ngɛ haomi mi ɔ, o hyɛ ye nɔ.

La 4:1

Ye Mawu nɛ faa ye he, moo bu ye kue fami ɔ tue koo! Be ko nɛ ye yi fi ɔ, mo lɛ o ba je mi. Naa mi mɔbɔ koo, nɛ o bu ye pɛɛ kpami ɔ tue.

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

La 89:1

Yawɛ, ma la daa kɛ tsɔɔ kaa o suɔmi ɔ be nyagbe. Ma sɛɛ ha yi nɔhi tsuo ke anɔkuale yelɔ ji mo.

La 88:13

Se Yawɛ, imi lɛɛ mo i ngɛ tsɛe! Daa mɔtu ɔ, i faa kue kɛ haa mo.

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

Samuel I, 17:37

David ya nɔ nɛ e de ke, “Yawɛ nɛ́ je mi kɛ je jatahi kɛ osisiblisihi a dɛ mi ɔ ma je mi kɛ je Filisti no nɛ ɔ dɛ mi.” Kɛkɛ nɛ Saul de David ke, “Yaa, Yawɛ maa piɛ o he.”

La 5:3

Yawɛ, mɔtu ɔ, o nuɔ ye gbi. Ee, mɔtu ɔ, i faa kue kɛ haa mo, nɛ i mlɛɔ, konɛ o he nɔ.

La 106:8

Se kɛ̃ ɔ, e he a yi wami kaa bɔ nɛ e wo si ɔ; nɛ e kɛ tsɔɔ e he wami kpetekpleenyɛ ɔ.

La 86:13

O na mi mɔbɔ be babauu; gbeje tete po lɛ o je mi kɛ je.

Samuel II, 22:3

Ye Mawu ɔ ji nɔ nɛ baa ye yi; e ngɔ nɛ i saa we ngɛ. Ye Mawu ɔ ji ye tsɛ̃i, ye wesa he, kɛ ye mɔ; lɛ nɛ e heɔ ye yi wami.

Mose II, 15:6

“Yawɛ, o hiɔ nine he wami ɔ ngɛ gbeye; o hiɔ nine ɔ tsɔtslɔɔ he nyɛli ɔmɛ a mi.

Hiob 15:23

nɛ okpokuhi hu ngɛ mlɛe nɛ a ye lɛ. Nɔmlɔ kaa kikɛ nɛ ɔ le kaa e hɛ mi kpatami be ɔ su ta.