La 59:12 - BAIBLO ALOO NGMAMI KLƆUKLƆU Ɔ

¹² Munyuhi nɛ jeɔ a nya a, yayami sɔuu, nɛ a hlaa kaa a wo a he nɔ. Lɔ ɔ he ɔ, ba mɛ si! Akɛnɛ a gbiɛɛ nɔ, nɛ a yeɔ lakpa he je ɔ, ha nɛ a he nɔ womi ɔ nɛ pee klama nɛ du mɛ.

La 59:12 ပူးပေါင်းရင်းမြစ်များ

Abɛ Womi 12:13

Nɔmlɔ yayami nya mi munyuhi peeɔ klama ha lɛ nɛ e duɔ. Se nɔmlɔ kpakpa lɛɛ e he jee sane mi.

Abɛ Womi 18:7

Kuasia nya mi munyu ngɛ kaa klama nɛ e tsɔ lɛ nitsɛ e he; lɔ ɔ nɔuu ji nɔ nɛ kpataa e hɛ mi.

La 10:7

Munyuhi nɛ jeɔ e nya ji gbiɛmi kɛ sisimi, kɛ níhi nɛ woɔ nɔ susuma he gbeye. E he sɔɔ kɛ tuɔ yakayaka munyuhi, kɛ munyuhi nɛ kɛ nɔ woɔ haomi mi.

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

La 10:2

Yayami peeli ngɛ a he nɔ woe, nɛ a ngɛ ohiatsɛmɛ yi mi wae. Ha nɛ ga yayamihi nɛ a to ɔ nɛ kpa bu mɛ nitsɛmɛ a nɔ.

Luka 23:5

Se a nya sɔ wo e he, nɛ a de ke, “E ngɔ e ní tsɔɔmi ɔ kɛ ngɛ ma mi bi ɔmɛ a tue puɛe ngɛ Yudea tsuo. E je sisi kɛ je Galilea, nɛ amlɔ nɛ ɔ, e ba su hiɛ ɔ.”

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Mateo 27:25

Ma kpekpemi ɔ tsuo he nɔ ke, “Ee, wa nu! Tue gblami nɛ maa ba ngɛ nyumu nɛ ɔ gbenɔ se ɔ, e pee waa kɛ wa nina wa nɔ!”

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Abɛ Womi 11:6

Nɔ nɛ peeɔ nɔ nɛ da a, anɔkuale nɛ e yeɔ ɔ, jeɔ lɛ kɛ jeɔ níhi a mi. Se nihi nɛ yi anɔkuale ɔ, mɛ nitsɛmɛ a jiklɔɔ lɛ kpataa a hɛ mi.

Abɛ Womi 6:2

Anɛ o kɛ o nya mi munyu fi mo nitsɛ o he lo? Anɛ o ya yi o siwo ɔ nɔ, nɛ e plɛ pee klama ha mo nɛ o du lo?

La 79:12

Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

Hiob 12:24

E haa je ma amɛ a hɛ mi nyɛɛli jeɔ kuasia, nɛ a ya woɔ lalaalo ngɛ nga nɔ he nɛ blɔ ko blɔ ko be.

Kɔmɔ Yemi 3:62

Be tsuaa be ɔ, ye he munyu yaya sɔuu a ngɛ tue. Jã kɛ̃ a ngɛ a ga yaya amɛ toe.

Ezekiel 12:16

Se kɛ̃ ɔ, ma ha a ti nihi bɔɔ ko maa piɛ; mɛɛ lɛɛ ta, kɛ hwɔ, kɛ gbenɔ hiɔ be mɛ gbee. Kɛkɛ ɔ, a maa jaje ní hiemi ní ɔmɛ nɛ a pee ngɛ je ma amɛ a mi ɔ, nɛ a ma de ke a tɔ̃. Kɛkɛ ɔ, a maa le kaa imi ji Yawɛ.”