La 59:11 - BAIBLO ALOO NGMAMI KLƆUKLƆU Ɔ

¹¹ Nyɔmtsɛ, wa yi baalɔ, koo gbe mɛ; ke o pee ja a, e be kɛe nɛ ye ma a hɛ maa je nɔ, a hɛ maa je nɔ́ nɛ o pee nɛ ɔ nɔ. Ngɔɔ o he wami ɔ kɛ ha nɛ a didaa, nɛ o ngɔ mɛ kɛ fiaa si.

La 59:11 ပူးပေါင်းရင်းမြစ်များ

La 3:3

Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

Kpojemi 9:6

Jamɛ a nyɔhiɔ enuɔ ɔ mi ɔ, nimli ma hla gbenɔ se blɔ, se a be nae; a maa suɔ kaa a gbo, se gbenɔ maa tu a nya fo.

Luka 21:21

Jamɛ a be ɔ, nihi nɛ ngɛ Yudea a, a tu fo kɛ ya yo ɔmɛ a nɔ; nihi nɛ ngɛ ma a mi ɔ, a je, nɛ nihi nɛ ngɛ ngmɔ si ɔ, a ko ba ma a mi.

La 52:5

Mawu hu maa ngɔ mo ngɔ fia si ja nɔuu kɛ maa ya neneene. E ma sá mo kɛ je o we ɔ mi; e ma je mo kɛ je hɛ kali a zugba a nɔ.

Hiob 40:12

Ee, hyɛ mɛ nɛ o ba mɛ si. Moo naa yiwutsotsɛmɛ a nɔ ngɛ a hi he ɔmɛ.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.

La 106:27

nɛ e ma ha a nina maa gbɛ ngɔ fĩa je ma amɛ a mi ngɛ je ɔ mi tsuo.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

La 84:9

Mawu, wa kpa mo pɛɛ nɛ o gbaa wa matsɛ ɔ, nɔ nɛ mo nitsɛ o pɔ lɛ nu ɔ.

La 44:11

O ngɔ wɔ ngɔ ha kaa tohi nɛ a yaa gbe. O gbɛ wɔ ngɔ fĩa je ma amɛ a mi.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.

Fiɛlɔ 9:5

Niinɛ, nihi nɛ a hɛ ngɛ ɔ le kaa a ma ba gbo; ni gbogboe ɔmɛ lɛɛ a li nɔ́ ko nɔ́ ko. Hiɔwo kpa ko hu a be; ejakaa nihi a hɛ je a nɔ pɛsɛpɛsɛ.

Samuel I, 24:5

Kɛkɛ nɛ David he nile bɔni lɛ haomi,

La 118:7

Yawɛ kɛ mi ngɛ. Lɛ nɔuu lɛ e maa piɛ ye he. Nihi nɛ sume mi ɔ, ye hɛngmɛ kɛkɛ ma kɛ na kaa i ye a nɔ kunimi momo.