La 57:6 - BAIBLO ALOO NGMAMI KLƆUKLƆU Ɔ

⁶ Ye he nyɛli ɔmɛ tsɔ mi klama; nɛ ye ní pee mɔbɔ kulaa. A tsua muɔ ngɛ ye blɔ ɔ mi, se mɛ nitsɛmɛ mohu a ya nɔ mi.

La 57:6 ပူးပေါင်းရင်းမြစ်များ

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

La 108:6

Ngɔɔ o he wami kpetekpleenyɛ ɔ kɛ he wa yi wami. Bu wa kue fami ɔ tue, ejakaa mo nitsɛ o ma nɛ o suɔ lɛ ji wɔ.

La 140:5

He nɔ woli tsɔ klamahi ngɛ blɔ ɔmɛ a tue. A tsɔ mi klama, konɛ a du mi.

La 142:3

Benɛ ye nine mi miɔ nɛ e wo nyu ɔ, moo lɛɛ o le ye hiami ɔ mo. Ye he nyɛli ɔmɛ tsɔ mi klama ngɛ ye blɔ ɔ mi.

La 143:4

Ye mumu nya ta jehanɛ, nɛ peepee ta ye he!

La 145:14

Nihi nɛ ngɛ haomi mi ɔ, e piɛɔ a he, nɛ nihi nɛ nɔ si ɔ, e woɔ a nɔ kɛ daa si ekohu.

La 42:6

Ye tsui ngɛ yee ngɛ ye mi ngɛ ma se hiɛmɛ nɛ ɔ; lɔ ɔ he ɔ, ye juɛmi tsuo ngɛ Mawu nɔ. Kɔmɔ sɔuu ɛ e ha i ngɛ yee kpamisa; hɛ mi kpatami ma mi nami kaa nyu kpekpemi nɛ pee hamahama kɛ ngɛ si puee babaaba, kɛ ngɛ Hermon kɛ Mizar yo ɔmɛ a nɔ jee kɛ ngɛ Yordan kɔ̃ ɔ mi puee.

La 8:2

O haa jokuɛwi, kɛ bimwɔwi he wami nɛ a laa kɛ jeɔ o yi. O he nyɛli ɔmɛ maa a nya, nɛ a nyɛ we nɛ a peeɔ nɔ́ ko.

Abɛ Womi 28:10

Ke o sisi nɔ nɛ peeɔ nɔ́ nɛ da, nɛ e ya pee yayami ɔ, muɔ nɛ o tsua ngɔ to ha lɛ ɔ, mo nitsɛ o maa nɔ mi. Nɔ nɛ lɛɛ e pee we nɔ́ ko nɛ dɛ ɔ, e ma na hiɔwo kpakpa.

Abɛ Womi 29:5

Nɔ nɛ kɛ e nyɛmi tuɔ munyu dɔkɔbii ɔ, klama e ngɛ lɛ tsɔe ɔ nɛ.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Mose IV, 14:21

Se anɔkuale, ligbi abɔ nɛ ye hɛ ngɛ, nɛ imi Yawɛ, ye hɛ mi nyami ma hyi zugba a tsuo tɔ ɔ,