La 57:4 - BAIBLO ALOO NGMAMI KLƆUKLƆU Ɔ

⁴ He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

La 57:4 ပူးပေါင်းရင်းမြစ်များ

La 58:6

Yawɛ Mawu, nimli nɛ ɔmɛ ngɛ kaa jata awi yeli pɛ; ku a nya mi lungu ɔmɛ tsuo ngɔ pue he.

Abɛ Womi 30:14

Ni komɛ sisiɔ ohiatsɛmɛ, kɛ nihi nɛ a ní ngɛ mɔbɔ, nɛ a kpɔɔ níhi ngɛ a dɛ. Bɔ nɛ jamɛatsɛmɛ ɔmɛ peeɔ kɛ yeɔ ní ji nɛ ɔ nɛ.

La 35:17

Yawɛ, o maa hi nɔ́ nɛ ɔ hyɛe kɛ yaa si mɛni be! Jé mi kɛ je kikɛmɛ a ogbetee nɛ ɔmɛ a dɛ mi! Ko ha nɛ a kpata ye hɛ mi!

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

Abɛ Womi 12:18

Munyu nɛ a tuɔ kɛkɛ nɛ juɛmi be mi ɔ, e yeɔ nɔ awi kaa klaate. Se ní lelɔ nya mi munyu tsaa nɔ.

La 64:3

A duɔ a lilɛhi a nya kaa klaate; a munyu yaya amɛ ngɛ kaa kɛ̃ɛ̃ mi bihi

La 52:2

Nihi a hɛ mi kpatami he sɔuu o ngɛ soe be tsuaa be. O lilɛ ngɛ kaa asoyi nɛ nya ba, mo lakpatsɛ, nɔ sisilɔ.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Yakobo 3:6

Ee, lilɛ ngɛ kaa la. Nɔmlɔ tso ɔ he nɔ́ kake nɛ ji lilɛ ɔ, yi wu tso ní sɔuu e tsuɔ. E kɛ yayami bleɔ nɔmlɔ tso ɔ tsuo. La nɛ je Abosiami a je nitsɛnitsɛ lɛ e kɛ mɛɛ wɔ kɛ kpataa wa hɛ mi pɛsɛɛ.

Abɛ Womi 28:15

Matsɛ yiwutsotsɛ nɛ ngɛ tsɛ yee ngɛ nihi nɛ a ní ngɛ mɔbɔ a nɔ ɔ, e ngɛ kaa jata nɛ ngɛ huae, aloo osisiblisi nɛ e hɛ mi wo la.

Abɛ Womi 25:18

Nɔ nɛ yeɔ lakpa odase ngɛ e nyɛmi he ɔ, e ngɛ kaa tsokpoti, loo klaate, loo kɛ̃ɛ̃ mi bi nɛ nya ba.

La 59:7

Mɛ lɛ a ngɛ ngmlaa kpae hoo ngɛ lejɛ ɔ nɛ; a ngɛ huãe kɛ ngɛ pɛe ke, “Mɛnɔ maa nu wa he?”

La 10:9

E buɔ si ngɛ e laami he ɔ kaa jata ngɛ e muɔ mi. E woɔ ka nɛ e nuu nihi nɛ a ní ngɛ mɔbɔ. Ke e nine su a nɔ kɛkɛ e gbla mɛ kɛ ho.

Manyadali 9:20

Se ke pi ja ji sane ɔ, lɛɛ la nɛ je Abimelek mi ya sã Shekem bi ɔmɛ kɛ Bet Milo bi ɔmɛ; jehanɛ, e je Shekem bi ɔmɛ kɛ Bet Milo bi ɔmɛ a mi ya sã Abimelek.”

Hiob 41:14

E nya kɛ e mi lunguhi gbeyegbeye ɔ, mɛnɔ ma nyɛ ma bli?

La 43:3

Ha nɛ o la a, kɛ o we anɔkuale ɔ nɛ ba esɔesɔ; ha nɛ a ba tsɔɔ mi blɔ, nɛ a kpaka mi kɛ ya Zion yo klɔuklɔu ɔ nɔ; a kpaka mi kɛ ya mo nitsɛ o we ɔ he nɛ o hii ɔ.