La 57:1 - BAIBLO ALOO NGMAMI KLƆUKLƆU Ɔ

¹ Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

La 57:1 ပူးပေါင်းရင်းမြစ်များ

La 91:4

E maa bu o he, nɛ o yi ma na wami kaa lohwe pɛlitsɛ bi ngɛ e nyɛ pɛli sisi. Si nɛ e wo ke e maa ye mo anɔkuale ɔ maa pee kaa tsɛ̃i, kɛ dama nɛ ma fa o he.

La 36:7

Yawɛ, hyɛ bɔ nɛ o mɔbɔ nami ɔ he jua wa ha! Adesahi tsuo ba saa we ngɛ o pɛli ɔmɛ a sisi.

La 61:4

Ha ma hi o we klɔuklɔu ɔ daa. Ma na he jɔmi ngɛ lejɛ ɔ kaa bɔ nɛ lohwe pɛlitsɛ kɛ e pɛli haa e bimɛ a nɔ ɔ.

La 63:7

Be tsuaa be ɔ, mo nɔuu lɛ o piɛɔ ye he; lɔ ɔ he ɔ, ma la kɛ bua jɔmi ngɛ hɔ̃ mi ngɛ o pɛli ɔmɛ a sisi.

La 9:10

Yawɛ, nihi nɛ le mo ɔ, a ngɔɔ a hɛ kɛ fɔɔ o nɔ. Ejakaa ni nɛmɛ nɛ hla o se blɔ ɔ, mo Yawɛ, o kua we mɛ.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Rut Womi 2:12

Yawɛ Israel Mawu ɔ, nɔ ngɔ nɛ o ba sa we ngɛ ɔ, lɛ nitsɛ nɛ e wo mo níhi nɛ o pee ɔ kulaa he hiɔ.”

Yesaya 26:20

Ye ma, nyɛ ya sɛ nyɛ we ɔmɛ a mi, nɛ nyɛɛ ngmɛ sinya amɛ a mi ngɔ wo nyɛ yi. Nyɛɛ laa nyɛ he be kpiti ko kɛ yaa si Mawu mi mi fumi ɔ nya maa be.

La 56:1

Mawu lee, naa mi mɔbɔ, ejakaa nimli adesahi ngɛ mi yi mi wae; ye futsɛmɛ ngɛ mi haoe daa ligbi.

La 91:9

Akɛnɛ o ngɔ Yawɛ, Hiɔwe No ɔ kɛ pee o he bulɔ, kɛ o wesa he he je ɔ,

La 13:5

Se imi lɛɛ, o suɔmi nɛ ngɛ daa a, lɔ ɔ nɔ lɛ i ngɔ ye hɛ kɛ fɔ. Ma ná bua jɔmi, ejakaa o ma he ye yi wami.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

La 142:1

Yawɛ i ngɛ tsɛe wawɛɛ ke e ba piɛ ye he ɔ nɛ. I wo ye gbi nɔ wawɛɛ kɛ ngɛ lɛ pɛɛ kpae.

Yohane 16:20

I ngɛ nyɛ dee anɔkuale mi ke, nyɛɛ lɛɛ nyɛ ma kpa ngmlaa; nyɛ maa wo yana, se je ɔ ma nya. Nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

La 125:1

Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

La 59:1

Ye Mawu, mo je mi kɛ je ye he nyɛli a dɛ mi, moo bu ye he, konɛ nihi nɛ te si wo mi ɔ, a ko nyɛ mi.

La 58:1

Nyɛ, hɛ mi nyɛɛli, anɛ nyɛ woɔ mlaahi nɛ da lo? Anɛ nyɛ kojoɔ nimli adesahi bɔ nɛ sa lo?

Yesaya 10:25

Ma gbla nyɛ tue be bɔɔ ko kɛkɛ, nɛ lɔ ɔ se ɔ, ma kpata a hɛ mi.

Samuel I, 24:3

Benɛ Saul su to tsu komɛ a he ngɛ blɔ ɔ nɔ ɔ, e gba ya sɛ tɛ puɔ ko mi, nɛ e ya nane nɔ ngɛ lejɛ ɔ. David kɛ e we bi ɔmɛ hu laa a he ngɛ jamɛ a tɛ puɔ ɔ nɔuu mi ngɛ se blɔ.

Samuel I, 22:1

David tu fo kɛ je Gat kɛ ho Adulam tɛ puɔ ɔ mi ya. Benɛ e nyɛminyumu ɔmɛ, kɛ e weku li tsuo nu e he ɔ, a bu e nɔ kɛ ya na lɛ ngɛ lejɛ ɔ.

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Samuel I, 24:8

David hu je kpo kɛ je tɛ puɔ ɔ mi, nɛ e kpa huhui kɛ tsɛ Saul yi se, nɛ e de ke, “Ye nyɔmtsɛ matsɛ!” Nɛ benɛ Saul plɛ nɛ e hyɛ e se ɔ, David kpla si nɛ e kɛ e hɛ mi bu si ngɛ zugba kɛ tsɔɔ bumi.

Mose V, 9:26

I kpa pɛɛ ke, ‘Nyɔmtsɛ Yawɛ, mo ko kpata mo nitsɛ o ma a hɛ mi; ma nɛ ɔ, mo nitsɛ lɛ o kpɔ̃ mɛ, nɛ o je mɛ kɛ je Egipt kɛ o kɔni si wami.

Samuel I, 24:4

Kɛkɛ nɛ David we bi ɔmɛ de lɛ ke, “Yawɛ de mo ke, ‘Ma je o he nyɛlɔ ɔ kɛ wo o dɛ mi nɛ o pee lɛ nɔ́ nɛ o suɔ.’ O nɛ, be ɔ su.” David pee blɛuu nɛ e ya po Saul bo ɔ nya nigii.

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”

La 75:1

Mawu lee, wa naa mo si. Wa naa mo si! Wa ngɛ o biɛ ta woe, nɛ wa ngɛ nyakpɛ níhi nɛ o pee ɔ jajee.