La 56:7 - BAIBLO ALOO NGMAMI KLƆUKLƆU Ɔ

⁷ Mawu, ngɔɔ o mi mi la kɛ gbla kikɛmɛ a nimli nɛ ɔmɛ a tue ngɛ a yi wu tso ní ɔmɛ a he!

La 56:7 ပူးပေါင်းရင်းမြစ်များ

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Yeremia 10:25

Je ma amɛ nɛ li mo ɔ, o mi mi nɛ fu mɛ; ni nɛmɛ nɛ ja we mo ɔ, gbla a tue. A gbe o ma mi bi nɛ ji Yakob nina a; a kpata wa hɛ mi pɛsɛpɛsɛ, nɛ a pee wa zugba a kaa nga kplanaa nɔ.

Yeremia 7:10

Ke nyɛ pee níhi nɛ i hiee nɛ ɔ ta a, nyɛ baa nɛ nyɛ ba daa si ngɛ ye hɛ mi, ngɛ imi nitsɛ ye we nɛ ɔ mi, nɛ nyɛ deɔ ke, ‘Oo, a he wa yi wami momo!’ Konɛ nyɛ ya pee musu ní nɛ ɔmɛ tsuo ekohu lo?

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Fiɛlɔ 8:8

Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.

La 55:15

Ha nɛ ye he nyɛli ɔmɛ nɛ a gbo tlukaa; ha nɛ a hi a nane nya kɛ ya gbeje! Ejakaa yayami ngɛ a we ɔmɛ a mi, kɛ a tsui mi.

La 55:9

Nyɔmtsɛ, ha nɛ ye he nyɛli ɔmɛ a yi mi tomi ɔmɛ nɛ pee yaka. Mo tsaka a gbi ɔ, nɛ o ko ha nɛ a nu a sibi sisi. Ejakaa yi mi wami, kɛ pɛ hyi ma a mi tɔ.

La 36:12

Hyɛ, yayami peeli ɔmɛ nɔ si! A tsɛ̃ mɛ ngɔ ko si, nɛ a nyɛ we nɛ a te si hu.

La 37:32

Yayami peelɔ hii nɔmlɔ kpakpa dae, nɛ e hlaa kaa e maa gbe lɛ.

La 49:6

He nyɛli ɔmɛ ɔ, pi ní nɛ a na a nɔ nɛ a ngɔɔ a hɛ kɛ fɔɔ? Pi ní babauu nɛ a na a nɔ nɛ a fĩaa kɛ fɔɔ lo?

La 59:4

A he sɔ, nɛ a dla kɛ wo ye he, pohu i pee we mɛ yayami ko. Tee si, ba piɛ ye he. Hyɛ kaa ye yi fi.