La 56:4 - BAIBLO ALOO NGMAMI KLƆUKLƆU Ɔ

⁴ I ngɔ ye hɛ kɛ fɔ Mawu nɔ, lɔ ɔ he ɔ, i yi gbeye. I ngɛ Mawu yi jee ngɛ si nɛ e wo mi ɔ he. Mɛni nɔmlɔ adesa ma nyɛ maa pee mi?

La 56:4 ပူးပေါင်းရင်းမြစ်များ

Hebribi 13:6

Lɛɛ nyɛ ha waa kɛ kã nɛ de ke, “Nyɔmtsɛ ɔ ji ye he piɛlɔ, i be gbeye yee. Mɛni adesa ma nyɛ maa pee mi?”

La 118:6

Nɛ Yawɛ kɛ mi ngɛ nɛ ɔ, i yi gbeye; mɛni adesa ma nyɛ maa pee mi.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 31:3

Egipt bi ɔmɛ ɔ, nimli adesahi kɛkɛ ji mɛ; tsa pi Mawu ji mɛ. A we okpɔngɔ ɔmɛ ɔ, lohwehi kɛkɛ ji mɛ, tsa pi Mawu mumi nɛ ngɛ a mi. Ke Yawɛ gba ta a, je ma ko je ma ko be nya nyɛe maa da; je ma nɛ he wa jio, je ma nɛ a ya je ngmlaa ha lɛ jio, mɛ tsuo a hɛ mi ma kpata.

La 119:160

O munyu ɔ tsuo, anɔkuale sisiisi; o mlaa amɛ da, nɛ eko tsuaa eko maa si kpɛii kɛ yaa neneene.

La 12:6

Yawɛ siwo ɔmɛ ɔ, anɔkuale sɔuu. A ngɛ kaa sika hiɔ nɛ a tsu he si kpaago ngɛ flɔɔnɔɔ mi.

La 138:2

I ngɔ ye hɛ mi kɛ bu si kɛ kpee sɔlemi we klɔuklɔu ɔ; nɛ i ngɛ mo si nae kaa o suɔmi ɔ ngɛ daa, nɛ o yeɔ anɔkuale jã kɛ̃. Jehanɛ hu o ha nɛ a na kaa o biɛ kle pe biɛ tsuaa biɛ, nɛ o munyu hu he jua wa pe nɔ́ tsuaa nɔ́.

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Kronika II, 20:3

Yehoshafat tsui po, nɛ e fa kue ha Yawɛ, nɛ e bi lɛ ga womi. Yehoshafat ha nɛ a fiɛ ke nɔ tsuaa nɔ nɛ ha hwɔ ngɛ Yuda zugba a nɔ tsuo.

Kronika II, 20:4

Nihi je Yuda ma amɛ tsuo a mi kɛ ba Yerusalem, konɛ a ba bi Yawɛ ga womi.