La 56:1 - BAIBLO ALOO NGMAMI KLƆUKLƆU Ɔ

¹ Mawu lee, naa mi mɔbɔ, ejakaa nimli adesahi ngɛ mi yi mi wae; ye futsɛmɛ ngɛ mi haoe daa ligbi.

La 56:1 ပူးပေါင်းရင်းမြစ်များ

Samuel I, 29:4

Se Filisti tatsɛmɛ ɔmɛ a mi mi fu Akish, nɛ a de lɛ ke, “Ha nɛ nyumu ɔ nɛ kpale e se kɛ ya he nɛ o ngɔ ha lɛ ɔ. Waa kɛ lɛ be ta yae nɛ e ba plɛ wo wɔ ngɛ ta a mi nɛ e fia wɔ senya kɔ. Mɛni nɔmlɔ nɛ ɔ kɛ ma kpata e nyɔmtsɛ ɔ, nɛ maa sa e hɛ mi pe nimli nɛ ngɛ hiɛmɛ nɛ ɔ a yi koklodohi?

La 59:1

Ye Mawu, mo je mi kɛ je ye he nyɛli a dɛ mi, moo bu ye he, konɛ nihi nɛ te si wo mi ɔ, a ko nyɛ mi.

La 31:9

Yawɛ, naa mi mɔbɔ, ejakaa i ngɛ haomi mi. Aywilɛho sɔuu ha nɛ ye hɛngmɛhi fuu; ye nɔmlɔ tso ɔ hu gbɔjɔ.

La 16:1

Mawu, moo bu ye he, ejakaa i ngɔ ye hɛ kɛ fɔ o nɔ.

La 60:1

Mawu lee, o sake wɔ kɛ pue he. O mi mi fu wɔ, nɛ o gbɛ wɔ ngɔ fĩa. Se kpale wɔ kɛ ba wa glɛ nɔ ekohu koo!

La 27:2

Ke ye he nyɛli, yayami peeli ba tua mi nɛ́ a gbe mi ɔ, a ma tɛ nɔ, nɛ a maa nɔɔ si.

1 Korintobi 15:54

Ke nɔ́ nɛ puɛɔ ɔ tsake pee nɔ́ nɛ puɛ we, nɛ nɔ́ nɛ gboɔ ɔ tsake pee nɔ́ nɛ gbo we ɔ, lɔ ɔ lɛɛ ngmami ɔ maa ba mi: “A mi gbenɔ kɛ ye kunimi!”

Hosea 8:8

Israel yi ta pɛ! Israel pee kaa buɛ kokoe ngɛ ma amɛ a kpɛti; e he be se nami.

Kɔmɔ Yemi 2:16

O he nyɛli ɔmɛ tsuo ngɛ munyu tue kɛ ngɛ mo sie; a kɛ ninyɛ hyɛɛ mo gãã. A kpɔɔ nya kɛ woɔ mo. A deɔ ke, “E tsɔɔ mo! Mwɔnɛ ji mwɔnɛ! Wa nine su o nɔ jehanɛ!”

Kɔmɔ Yemi 2:5

Nyɔmtsɛ ɔ kpata Israel hɛ mi kaa nɔ́ nɛ e he nyɛlɔ ji lɛ. E ywia e mɔ ɔmɛ, kɛ matsɛ we ɔmɛ ngɔ pue si. E ha nɛ Yuda ma a ngɛ kɔmɔ yee babauu.

Kɔmɔ Yemi 2:2

Nyɔmtsɛ ɔ kpata Israel ma amɛ tsuo a hɛ mi nɛ e nɛ mɔbɔ kulaa. E ngɔ e mi mi la a kɛ ywia Yuda ma a nya mɔ ngua amɛ tsuo ngɔ pue si. E ha zo gbe nɔ yemi ɔ, kɛ e mi matsɛmɛ ɔmɛ.

Abɛ Womi 1:12

Waa mii mɛ hɛ ngmengmle kaa a yaa gbeje; waa ngɔ mɛ kaa yɔkɔ ngɔɔ gbogboe, be mi nɛ a ngɛ kpakpataa!

La 143:12

O suɔmi nɛ be nyagbe ɔ he je ɔ, moo gbe ye he nyɛli ɔmɛ; nɛ ni nɛmɛ nɛ ngɛ mi haoe ɔ, mo kpata a hɛ mi pɛsɛpɛsɛ; ejakaa o tsɔlɔ ji mi.

La 136:15

Se Egipt matsɛ ɔ kɛ e ta a lɛɛ e kpata a hɛ mi ngɛ Wo Tsu ɔ mi; ejakaa e suɔmi ɔ ngɛ kɛ yaa neneene!

La 136:10

Lɛ nɛ e gbe Egipt bi ɔmɛ a kekleekle bimɛ; ejakaa e suɔmi ɔ ngɛ kɛ yaa neneene!

La 124:3

jinɛ bɔ nɛ a mi mi fu wɔ wawɛɛ nɛ ɔ, a ko mii wɔ hɛ ngmengmle;

La 58:1

Nyɛ, hɛ mi nyɛɛli, anɛ nyɛ woɔ mlaahi nɛ da lo? Anɛ nyɛ kojoɔ nimli adesahi bɔ nɛ sa lo?

La 35:25

Ko ha nɛ a de ke, “Ɛhɛɛ, wa nine gbe lɛ! Nɔ́ nɛ wa ngɛ hlae ɔ pɛ ji nɛ ɔ nɛ!”

La 21:9

Ke o je o he kpo ɔ, a hɛ mi ma kpata kaa nɔ́ nɛ flɔɔnɔɔ kɛ e mi la mi a ngɛ. Mo Yawɛ, o mi mi ma fu mɛ. O maa mii mɛ, nɛ la hu maa sã mɛ.

La 106:17

Kɛkɛ nɛ zugba a gba, nɛ e mii Datan; e mii Abiram, kɛ nihi nɛ piɛ e he ɔ hulɔ.

La 59:10

Ye Mawu nɛ e suɔmi be nyagbe ɔ ma ba kpee mi. Ye Mawu ɔ ma ha nɛ ma na ye he nyɛli ɔmɛ nɛ a gbe mɛ kɛ pueɔ si.