La 55:18 - BAIBLO ALOO NGMAMI KLƆUKLƆU Ɔ

¹⁸ Ta nɛ i kɛ ye he nyɛli babauu ɔ ngɛ hwue ɔ, e ma kpɔ mi kɛ je mi, nɛ ma ye ye he.

La 55:18 ပူးပေါင်းရင်းမြစ်များ

La 57:3

E maa tsɔ kɛ je hiɔwe kɛ ba he ye yi wami; nɛ nihi nɛ ngɛ mi yi mi wae ɔ, zo maa gbe mɛ. Mawu, o maa tsɔɔ mi kaa o mɔbɔ nami ngɛ daa kɛ ha mi, nɛ o yeɔ anɔkuale daa jã kɛ̃.

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.

Mateo 26:53

Anɛ o susu kaa i be nyɛe ma kpa Tsaatsɛ pɛɛ, nɛ amlɔ nɛ ɔ nɔuu e maa tsɔ hiɔwe bɔfohi asafo nyɔngma kɛ enyɔ kɛ se kɛ ba nɛ a ba je ngmlaa ha mi lo?

La 56:2

Daa nɛ ɔ, yi mi sɔuu ye he nyɛli ngɛ mi wae; ni nɛmɛ nɛ te si kɛ wo mi ɔ, a he hiɛ babauu.

Matsɛmɛ II, 6:16

Elisha de lɛ ke, “Koo ye gbeye! Nimli nɛ ngɛ wa se ɔ, a hiɛ babauu pe ni nɛmɛ nɛ ngɛ mɛɛ a se ɔ.”

Samuel II, 22:1

Benɛ Yawɛ je David kɛ je Saul kɛ e he nyɛli ɔmɛ tsuo a dɛ mi ɔ, David la la nɛ ɔ kɛ ha Yawɛ:

Samuel II, 18:28

Ahimaaz kpa ngmlaa nɛ e de matsɛ ɔ ke, “Manye oo, manye!” Kɛkɛ nɛ e ba kpla si ngɛ matsɛ ɔ hɛ mi nɛ e kɛ e hɛ mi bu si, nɛ e de ke, “Nɛnɛ! A je Yawɛ, o Mawu ɔ yi. Nihi nɛ te si ngɔ wo mo ɔ, Yawɛ ha o ye a nɔ.”

La 17:1

Yawɛ, moo piɛ ye he koo! Hyɛ kaa i yeɔ anɔkuale, nɛ i sisi we nɔ. Lɔ ɔ he ɔ, i kpa mo pɛɛ nɛ o bu kue nɛ i ngɛ fae kɛ hɛdɔ nɛ ɔ tue.

Kɔmɔ Yemi 3:56

Kue nɛ i fa nɛ o nu ji, ‘I kpa mo pɛɛ nɛ o ba piɛ ye he; koo tsi o tue.’