La 54:7 - BAIBLO ALOO NGMAMI KLƆUKLƆU Ɔ

⁷ O je mi kɛ je ye haomi ɔ tsuo mi, nɛ i na bɔ nɛ o ye ye he nyɛli ɔmɛ a nɔ kunimi.

La 54:7 ပူးပေါင်းရင်းမြစ်များ

La 59:10

Ye Mawu nɛ e suɔmi be nyagbe ɔ ma ba kpee mi. Ye Mawu ɔ ma ha nɛ ma na ye he nyɛli ɔmɛ nɛ a gbe mɛ kɛ pueɔ si.

La 112:8

E yi tsui, nɛ e yi gbeye hulɔ. E hɛ ngɛ nɔ kaa e maa ye e he nyɛli ɔmɛ a nɔ kunimi kɛ̃.

La 92:11

Ye he nyɛli ɔmɛ a hɛ mi kpata, nɛ i na kɛ ye hɛngmɛ. I nu hulɔ kɛ ye tue kaa nihi nɛ te si wo mi ɔ nɔ si.

La 118:7

Yawɛ kɛ mi ngɛ. Lɛ nɔuu lɛ e maa piɛ ye he. Nihi nɛ sume mi ɔ, ye hɛngmɛ kɛkɛ ma kɛ na kaa i ye a nɔ kunimi momo.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

La 91:8

O hɛngmɛ kɛkɛ lɛ o kɛ maa hyɛ bɔ nɛ a maa gbla yayami peeli a tue ha.

La 37:34

Ngɔɔ o hɛ ngɔ fɔ Yawɛ nɔ, nɛ o ye e mlaa amɛ a nɔ; nɛ e ma ha nɛ o nine maa su zugba a nɔ. Ke a ngɛ yayami peeli a hɛ mi kpatae ɔ, o hɛngmɛ kɛkɛ o kɛ maa hyɛ mɛ.

La 34:19

Nɔ nɛ peeɔ nɔ́ nɛ da a, haomi babauu baa e nɔ; se Yawɛ jeɔ lɛ kɛ jeɔ lɛ tsuo mi.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

Samuel I, 26:24

Lɔ ɔ he ɔ, kaa bɔ nɛ i kɛ o wami ke mo mwɔnɛ ligbi nɛ ɔ, Yawɛ nɛ e ngɔ ye wami kɛ ke mi, nɛ e je mi kɛ je amanehlu tsuo pɛpɛɛpɛ mi.”

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Samuel II, 4:9

Se David ha mɛ heto ke, “I na Yawɛ, hɛ kalɔ ɔ nɛ he ye yi wami kɛ je amanehluhi tsuo a mi ɔ!

La 143:12

O suɔmi nɛ be nyagbe ɔ he je ɔ, moo gbe ye he nyɛli ɔmɛ; nɛ ni nɛmɛ nɛ ngɛ mi haoe ɔ, mo kpata a hɛ mi pɛsɛpɛsɛ; ejakaa o tsɔlɔ ji mi.