La 54:6 - BAIBLO ALOO NGMAMI KLƆUKLƆU Ɔ

⁶ Ma je ye tsui mi faa ma sã bɔ ha mo Yawɛ; ejakaa e hi kaa ma pee ja kɛ na mo si.

La 54:6 ပူးပေါင်းရင်းမြစ်များ

La 52:9

Mawu, ma na mo si daa, ma na mo si kɛ maa ya neneene ngɛ nɔ́ nɛ o pee ɔ he. Ma na mo si ngɛ o ma a hɛ mi. Ma wo o biɛ ta, nɛ ma je o yi.

La 147:1

Nyɛ je Yawɛ yi! E hi kaa a la kɛ je wa Mawu ɔ yi; ejakaa dloolɔ ji lɛ, nɛ e sa kaa a la kɛ je e yi.

La 7:17

Ma na Yawɛ si; ejakaa e yeɔ dami sane. Ma la kɛ je Yawɛ Hiɔwe No ɔ yi.

La 140:13

Niinɛ, nihi nɛ peeɔ nɔ́ nɛ da a maa na mo si; kpakpa peeli kɛ mo maa hi si daa.

La 107:22

E sa kaa a sã bɔhi kɛ na lɛ si; a kɛ bua jɔmi nɛ la nyami la kɛ gba níhi nɛ e tsu ɔ.

La 116:17

Ma sã bɔ kɛ na mo si; mo Yawɛ ma fa kue ha.

La 92:1

Yawɛ, e hi kaa a na mo si. E hi kaa a la kɛ je mo, Hiɔwe No ɔ o yi.

La 21:13

Yawɛ, wa ngɛ o yi jee ngɛ o he wami kpetekpleenyɛ ɔ he. Wa ma la kɛ je o yi, ejakaa o he wa wawɛɛ nitsɛ!

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

La 118:7

Yawɛ kɛ mi ngɛ. Lɛ nɔuu lɛ e maa piɛ ye he. Nihi nɛ sume mi ɔ, ye hɛngmɛ kɛkɛ ma kɛ na kaa i ye a nɔ kunimi momo.

Yesaya 50:7

Se enɛ ɔmɛ tsuo pee we mi nɔ́ ko, ejakaa Nyɔmtsɛ Mawu ɔ piɛ ye he, nɛ zo gbi mi. Lɔ ɔ he ɔ, i nu ye tsui, nɛ i wlua mi, ejakaa i le kaa zo be mi gbee.

Yesaya 50:9

Nyɔmtsɛ Yawɛ nitsɛ ngɛ ye kasa nya, mɛnɔ maa bu mi fɔ mɔ? Ye he nyɛli ɔmɛ tsuo maa laa, a hɛ mi ma kpata pɛsɛpɛsɛ kaa bo nɛ wɔyewɔye ye.