La 54:5 - BAIBLO ALOO NGMAMI KLƆUKLƆU Ɔ

⁵ Yayami nɛ ye he nyɛli ɔmɛ ngɛ hlae ha mi ɔ, Mawu, ha nɛ e kpale kɛ ba na mɛ nitsɛmɛ. Anɔkualetsɛ ji mo, lɔ ɔ he ɔ, kpata yayami peeli nɛ ɔmɛ a hɛ mi.

La 54:5 ပူးပေါင်းရင်းမြစ်များ

La 143:12

O suɔmi nɛ be nyagbe ɔ he je ɔ, moo gbe ye he nyɛli ɔmɛ; nɛ ni nɛmɛ nɛ ngɛ mi haoe ɔ, mo kpata a hɛ mi pɛsɛpɛsɛ; ejakaa o tsɔlɔ ji mi.

La 89:49

Nyɔmtsɛ, suɔmi nɛ o je kpo blema a, jije jamɛ a suɔmi ɔ ngɛ? Níhi nɛ o wo David si ke o maa pee ɔ, jije ní ɔmɛ ngɛ?

La 94:23

Yawɛ ma ha nɛ a ní yayami ɔmɛ ma bu mɛ nitsɛmɛ a nɔ. E ma kpata a hɛ mi ngɛ a yayami ɔmɛ a he; Yawɛ, wa Mawu ɔ ma kpata a hɛ mi pɛsɛpɛsɛ.

La 31:23

Nyɛɛ suɔ Yawɛ, nyɛ e ni klɔuklɔuhi tsuo! Yawɛ baa nihi tsuo nɛ yeɔ lɛ anɔkuale ɔ a yi, se he nɔ woli lɛɛ e gblaa a tue bɔ nɛ sa mɛ.

La 27:11

Yawɛ, tsɔɔ mi nɔ́ nɛ o ngɛ hlae nɛ ma pee, nɛ o kpaka mi kɛ gu blɔ nɛ da nɔ, ejakaa i ngɛ he nyɛli babauu.

Kpojemi 18:6

Bɔ nɛ e pee mo ɔ, pee lɛ ja nɔuu ngɔ to nane mi. Níhi nɛ e pee ɔ, pee lɛ ja totoe enyɔ ngɔ to nane mi. Dã nɛ e futu ha mo ɔ, mo futu dã nɛ nya wa kaa ja totoe enyɔ ngɔ wo e kplu ɔ mi ha lɛ.

2 Timoteo 4:14

Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

La 137:8

Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

La 5:8

Yawɛ ye he nyɛli ɔmɛ a he je ɔ, piɛ ye he, konɛ ma pee nɔ nɛ da. Tsɔɔ mi o blɔ ɔ saminya nɛ ma nyɛɛ nɔ.

La 143:1

Yawɛ bu ye kue fami ɔ tue; mo ta tue ha pɛɛ nɛ i ngɛ mo kpae ɔ. Akɛnɛ o yeɔ anɔkuale, nɛ o peeɔ nɔ́ nɛ da a, bu mi tue nɛ o he nɔ ha mi koo!

La 86:14

Mawu, he woli, yiwutsotsɛmɛ, kɛ nihi nɛ li mo te si wo mi, nɛ a ngɛ hlae nɛ a gbe mi.