La 53:6 - BAIBLO ALOO NGMAMI KLƆUKLƆU Ɔ

⁶ I ná nɛ a je Zion ba he Israel yi wami. Ke Mawu ha nɛ a kpale na a he ekohu ɔ, Yakob ma na bua jɔmi, nɛ Israel ma nya!

La 53:6 ပူးပေါင်းရင်းမြစ်များ

Ezra 3:11

Ma kpekpemi ɔ la yi jemi la, kɛ sina la kɛ ha Yawɛ; nɛ munyu nɛ a kɛ heɔ la a nɔ ɔ, a ti mi si abɔ ke, “Yawɛ hi, nɛ e suɔmi nɛ e kɛ suɔ Israel ɔ ngɛ kɛ yaa neneene.” Jehanɛ benɛ a fia Yawɛ we ɔ sisi tomi ɔ ta a, ma kpekpemi ɔ tsuo hwɔ lele nɛ a je Mawu yi.

Nehemia 12:43

A sã bɔhi babauu jamɛ a ligbi ɔ, nɛ ma a nyá saminya; ejakaa Mawu ha nɛ a bua jɔ wawɛɛ nitsɛ. Yi ɔmɛ, kɛ jokuɛwi ɔmɛ hu piɛ he kɛ ye nyami ligbi ɔ; nɛ a nu ngmlaa a he ngɛ se lokoo.

Hiob 42:10

Jehanɛ, benɛ Hiob fa kue ha Yawɛ ngɛ e huɛmɛ etɛ ɔmɛ a he se ɔ, Yawɛ wo lɛ ní ekohu. Níhi tsuo nɛ Hiob hi sa a, Yawɛ bɔ he totoe enyɔɔnyɔ kɛ ha lɛ.

La 14:7

Mɛnɔ maa je Zion ba he Israel yi wami? Yawɛ ma a nɛ a nuu kɛ ho ɔ, ke lɛ, Yawɛ ɔ kpale mɛ kɛ ba ekohu ɔ, Israel ma na bua jɔmi, nɛ Yakob ma nya.

La 50:2

Mawu hɛ mi nyami ɔ ngɛ kpɛe saminyayoo; Zion, ma nɛ ngɛ fɛu kɛ pi si ɔ mi e ngɛ kpɛe kɛ ngɛ jee.

La 85:1

Yawɛ, o na wa zugba a mɔbɔ, nɛ o ha nɛ Israel ná e he ekohu.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Yeremia 30:18

Yawɛ ke, “Ma kpale ye ma a kɛ ba a zugba a nɔ ekohu, nɛ ma na we puɔ nya tsuaa we puɔ nya mɔbɔ. A maa ma Yerusalem ekohu ngɛ kpo ɔ nɔ, nɛ matsɛ we ɔ maa ma si ngɛ e ma he.

Yeremia 31:23

Yawɛ Tabohiatsɛ, Israel Mawu ɔ ke “Ke i kpale ma a kɛ ba mɛ nitsɛmɛ a zugba a nɔ ekohu ɔ, a ma de ngɛ Yuda zugba a nɔ, kɛ ma amɛ a mi ekohu ke, ‘Yawɛ nɛ gbaa Yerusalem yo klɔuklɔu ɔ, he nɛ lɛ Yawɛ nitsɛ hii ɔ.’

Yoel 3:1

Yawɛ ke, “Jamɛ a be ɔ mi ɔ, ma ha Yuda ma a kɛ Yerusalem bi ɔmɛ ma na ní kpɔtɔɔ ekohu.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Mose III, 26:36

“Nyɛ nihi nɛ maa piɛ, nɛ a maa nuu kɛ ya ma se ɔ, ma ha sawale maa nu nyɛ ngɛ lejɛ ɔ. Ke kɔɔhiɔ sɛ ba mi huu nɛ nyɛ nu ɔ, lɔ ɔ po maa wo nyɛ fo. Nyɛ maa tu fo pulɛpulɛ kaa nɔ́ nɛ ta nyɛɛ nyɛ se. Nyɛ maa hi si nɔe, be mi nɛ nɔ ko nyɛɛ we nyɛ se.

Amos 9:14

Ma kpale nyɛ, ye ma a kɛ ba nyɛ zugba a nɔ ekohu. Nyɛ ma ba dla nyɛ ma doku ɔmɛ, nɛ nyɛ maa hi a mi. Nyɛ ma du wai yiblii, nɛ nyɛ ma na wai maa nu. Nyɛ ma hu ngmɔ, nɛ nyɛ maa ye e mi ní.