La 53:5 - BAIBLO ALOO NGMAMI KLƆUKLƆU Ɔ

⁵ Hyɛ mɛ nɛ sawale nu mɛ momo; nɔ́ ko kaa kikɛ nɛ ɔ bɛ hyɛ. Ejakaa Mawu ma sake yayami peeli a wuhi kɛ pue he, nɛ zo maa gbe mɛ kpɔtɔɔ. Mawu ma kua mɛ;

La 53:5 ပူးပေါင်းရင်းမြစ်များ

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

La 14:5

Sawale nɛ nya wa maa nu mɛ; ejakaa nihi nɛ peeɔ nɔ́ nɛ da a, Mawu kɛ mɛ ngɛ.

La 141:7

Ke a ngɛ tɛ sa gbae ɔ, bɔ nɛ tɛ ɔ gbɛɛ kɛ fĩaa zugba a tsuo nɔ ɔ, ja a ma sake a wuhi kɛ pue gbeje agbo ɔ nya.

La 2:4

Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.

La 35:26

Nihi nɛ hii nyae be mi nɛ i ngɛ nɔ́ nae ɔ, ha nɛ zo nɛ gbe mɛ, nɛ a pee basabasa. Ni nɛmɛ nɛ susuɔ kaa mɛɛ a hi pe mi ɔ, ha nɛ zo nɛ gbe mɛ kpɔtɔɔ, nɛ a hɛ mi nɛ pue si.

La 35:4

Nihi nɛ ngɛ hlae nɛ a gbe mi ɔ, ha nɛ zo nɛ gbe mɛ, nɛ a yi mi tomi ɔ nɛ bɔ mɛ. Ni nɛmɛ nɛ ngɛ ye yi nɔ soe ɔ, ha nɛ basabasa nɛ sɛ a kpɛti, nɛ a kpale a se.

La 40:14

Nihi nɛ hlaa kaa a maa gbe mi ɔ, ha nɛ zo nɛ gbe mɛ nɛ a hɛ mi nɛ pee mɛ yaa. Ni nɛmɛ nɛ nyaa be mi nɛ i ngɛ nɔ́ nae ɔ, ha nɛ a kpale a se kɛ zo.

La 73:20

A ngɛ kaa nlami nɛ nɔ ko nla; mɔtu kɛkɛ e se po. Nyɔmtsɛ, ke o te si ɔ, a maa laa.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Yeremia 49:15

Yawɛ maa ba mo si ngɛ je ma amɛ a hɛ mi, nɛ nɔ ko nɔ ko be mo bue hu.

Yeremia 6:30

A ma tsɛ mɛ ke dade fi, ejakaa imi Yawɛ, i kua mɛ.”

Kɔmɔ Yemi 2:6

Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.

Ezekiel 6:5

Israel bi nɛ ma gbe ɔ, a gbogboe ɔmɛ ma pue si ngɛ amaga amɛ a hɛ mi; nɛ a wuhi ma fĩa kɛ bɔle bɔ sami la tɛ ɔmɛ kɛ kpe.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Mose III, 26:36

“Nyɛ nihi nɛ maa piɛ, nɛ a maa nuu kɛ ya ma se ɔ, ma ha sawale maa nu nyɛ ngɛ lejɛ ɔ. Ke kɔɔhiɔ sɛ ba mi huu nɛ nyɛ nu ɔ, lɔ ɔ po maa wo nyɛ fo. Nyɛ maa tu fo pulɛpulɛ kaa nɔ́ nɛ ta nyɛɛ nyɛ se. Nyɛ maa hi si nɔe, be mi nɛ nɔ ko nyɛɛ we nyɛ se.

Samuel I, 14:15

Sawale nu Filisti bi ɔmɛ ngɛ nga a nɔ. Ta buli ɔmɛ, kɛ ní hali ɔmɛ tsuo a tsui po. Jehanɛ hu zugba mimiɛ, nɛ nɔ́ nɛ ɔ ha sawale nɛ nu mɛ ɔ nya ba wa pe kekle ɔ.