La 53:3 - BAIBLO ALOO NGMAMI KLƆUKLƆU Ɔ

³ Se mɛ tsuo pɛpɛɛpɛ a tla blɔ, mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ nɛ da; dɛbi; nɔ kake ngmelu po be!

La 53:3 ပူးပေါင်းရင်းမြစ်များ

Samuel II, 20:2

Nɔ́ nɛ ɔ ha Israel bi ɔmɛ tsuo pɛpɛɛpɛ gbla a he si kɛ je David he nɛ a ya nyɛɛ Bikri bi Sheba se; se Yuda bi ɔmɛ lɛɛ a mɛtɛ a matsɛ ɔ he kpɛii, nɛ a nyɛɛ e se kɛ je Yordan ɔ he kɛ ho Yerusalem ya.

Hiob 15:16

Nɛ mo, nɔmlɔ adesa nɛ o sa, nɛ se nami be o he ɔ! Mo nɛ o peeɔ yayami kaa bɔ nɛ a nuu nyu kumakuma a, kɛ maa pee kɛɛ nɛ moo o he ma tsɔ ngɛ Mawu hɛ mi?

La 14:3

Se mɛ tsuo a laa blɔ; mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ́ nɛ da; dɛbi, nɔ kake ngmelu po be.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Romabi 3:12

Mɛ tsuo a tla blɔ; mɛ tsuo a puɛ; nɔ ko nɔ ko be nɛ peeɔ kpakpa, nɔ kake ngmelu po be.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

1 Yohane 2:29

Tse nyɛ le kaa Kristo ɔ, nɔ́ nɛ da e peeɔ. Lɛɛ e hia kaa nyɛɛ le kaa nɔ tsuaa nɔ nɛ peeɔ nɔ́ nɛ da a, Mawu bi ji lɛ.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.

Kpojemi 22:11

Lɔ ɔ he ɔ, yayami peelɔ ɔ, e ya nɔ nɛ e pee yayami; mutsɛ ɔ, e ya nɔ nɛ e wo e he mu; nɔmlɔ kpakpa a, e ya nɔ nɛ e pee kpakpa, nɛ nɔ nɛ ngɛ klɔuklɔu ɔ, e ya nɔ nɛ e pee e he klɔuklɔu.”