La 53:1 - BAIBLO ALOO NGMAMI KLƆUKLƆU Ɔ

¹ Kuasia lɛ deɔ ke, “Mawu ko be.” Mɛni he je ɔ mɛ tsuo a puɛ. Yayamihi nɛ a ngɛ pee ɔ ngɛ he mi nyɛɛmi saminya. Nɔ ko nɔ ko be nɛ peeɔ nɔ́ nɛ da.

La 53:1 ပူးပေါင်းရင်းမြစ်များ

La 10:4

Yayami peelɔ ɔ he nɔ womi ha we nɛ e hlaa Mawu se blɔ. E susumi tsuo ji “Mawu ko be.”

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

Hiob 15:16

Nɛ mo, nɔmlɔ adesa nɛ o sa, nɛ se nami be o he ɔ! Mo nɛ o peeɔ yayami kaa bɔ nɛ a nuu nyu kumakuma a, kɛ maa pee kɛɛ nɛ moo o he ma tsɔ ngɛ Mawu hɛ mi?

Matsɛmɛ I, 14:24

Jehanɛ se hu, ngɛ a jami kusumi komɛ a mi ɔ, nyumu komɛ kɛ a sibi nyumuhi na bɔmi kaa nyumu kɛ yo. Yuda ma a pee zo níhi, kɛ níhi nɛ a hiee po pe níhi nɛ je ma amɛ nɛ Yawɛ fie kɛ je Israel bi ɔmɛ a blɔ nɔ ɔ pee ɔ tsuo pɛpɛɛpɛ.

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

Efesobi 5:12

(Níhi nɛ nihi peeɔ ngɛ laami mi ɔ ngɛ zo tsɔ kaa a maa wo ta tete).

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

La 10:13

Mɛni he je yayami peelɔ ma kua Mawu? Mɛni he je lɛ e ma de ngɛ e yi mi ke, “Oo, e tsa be mi nɔ́ ko pee” ɔ?

La 10:11

Nɔ́ nɛ yiwutsotsɛ nɛ ɔ deɔ ngɛ e yi mi ji, “Oo, Mawu hɛ je nɔ; Mawu má e hɛngmɛ; e hyɛ we mi tete po!”

La 10:6

E deɔ ngɛ e yi mi ke, “Nɔ́ ko nɔ́ ko be mi pee; haomi ko be ye nɔ bae gblegbleegble.”

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Matsɛmɛ I, 12:26

Yeroboam de ngɛ e yi mi ke, “Bɔ nɛ níhi ngɛ nɛ ɔ, ke e ba mi kaa ma nɛ ɔ ho ya sã bɔ ngɛ Yawɛ we ɔ mi ngɛ Yerusalem ɔ, a yi mi ma plɛ; a maa kpale ya sɔmɔ a nyɔmtsɛ nɛ ji Yuda matsɛ, Rehoboam ekohu, nɛ a maa gbe mi.”

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Ezekiel 16:51

“Samaria pee we yayamihi nɛ o pee ɔ a mi fa tete po; ní yayamihi nɛ o pee ɔ hiɛ babauu pe e ní ɔmɛ. Ke a ngɔ mo kɛ to o nyɛmiyi ɔmɛ a he ɔ, ní yayamihi tsuo nɛ o pee ɔ ha nɛ e peeɔ kaa nɔ́ nɛ o nyɛmimɛ ɔmɛ yeɔ nguɔ!

Ezekiel 16:47

Pi kaa o ya wo o nyɛmiyi ɔmɛ a nane ngɛ yayamihi nɛ a pee ɔ a mi kɛkɛ, se e yi be ko kulaa nɛ o ba puɛ wawɛɛ pe mɛ ngɛ blɔ tsuaa blɔ nɔ ngɛ o je mi bami tsuo mi.”

La 92:6

Nɔ nɛ biɛ be enɛ ɔ lee; kuasia hu be sisi nue.

La 88:1

Yawɛ Mawu, ye yi wami helɔ! Nyɔ kɛ pia tsuo i foɔ ya ngɛ o hɛ mi.