La 52:8 - BAIBLO ALOO NGMAMI KLƆUKLƆU Ɔ

⁸ Se imi lɛɛ i ngɛ kaa oliv tso ngɛ Mawu we ɔ. I ngɔ ye hɛ kɛ fɔ Mawu mɔbɔ nami nɔ; e mɔbɔ nami ɔ be nyagbe.

La 52:8 ပူးပေါင်းရင်းမြစ်များ

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

La 13:5

Se imi lɛɛ, o suɔmi nɛ ngɛ daa a, lɔ ɔ nɔ lɛ i ngɔ ye hɛ kɛ fɔ. Ma ná bua jɔmi, ejakaa o ma he ye yi wami.

Yeremia 11:16

Sa a, bɔ nɛ i tsɛɔ mɛ ji, ‘Oliv tso kɛ e yi mi ba kusuu saminyayoo nɛ woɔ yiblii kpakpa;’ se ma mɛ e ba amɛ a he la, nɛ ma ku tso kɔni ɔmɛ kaa bɔ nɛ ahumi tsuɔ ní ɔ.

Romabi 11:24

Nɛ pohu hyɛ kaa oliv tso nɛ lɛ nitsɛ e puɛ ngɛ nga nɔ, nɛ a po mo ngɛ he, nɛ a kɛ ba ta oliv tso nɛ a je blɔ du ɔ he ɔ, e pee pɛ. Kikɛmɛ a nɔ́ nɛ ɔ pɔɛ he. Lɛɛ oliv tso ɔ nɛ a je blɔ du ɔ nitsɛ e kɔnihi nɛ a kplɔ ɔ, e be wae kulaa kaa a maa kpale ngɔ mɛ kɛ ta tso ɔ he ekohu.

La 147:11

Se nihi nɛ yeɔ lɛ gbeye, nɛ ngɔɔ a hɛ kɛ fɔɔ e nɔ kaa e maa na mɛ mɔbɔ daa a, mɛɛ e naa a he bua jɔmi.

La 128:3

O yo maa pee kaa wai tso nɛ woɔ yiblii saminyayoo ngɛ o we ɔ mi; nɛ o bimɛ maa bɔle o we okplɔɔ ɔ afɛu mi kaa oliv tsohi nɛ tsɛ̃ kɛ ma.

La 33:18

Nihi nɛ yeɔ Yawɛ gbeye; nihi nɛ ngɔɔ a hɛ ngɔ fɔɔ e nɔ kaa e na mɛ mɔbɔ ɔ, Yawɛ buu a he.

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”