La 52:2 - BAIBLO ALOO NGMAMI KLƆUKLƆU Ɔ

² Nihi a hɛ mi kpatami he sɔuu o ngɛ soe be tsuaa be. O lilɛ ngɛ kaa asoyi nɛ nya ba, mo lakpatsɛ, nɔ sisilɔ.

La 52:2 ပူးပေါင်းရင်းမြစ်များ

La 109:2

Yiwutsotsɛmɛ, kɛ lakpatsɛmɛ te si kɛ wo mi; lakpa munyu sɔuu a ngɛ tue ngɛ ye he.

La 120:2

Yawɛ, je mi kɛ je lakpatsɛmɛ, nihi nɛ sisiɔ a sibi a dɛ mi.

La 50:19

“O he sɔɔ kɛ tuɔ munyu yaya be tsuaa be; nɛ lakpa jeɔ o nya puu.

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

La 59:7

Mɛ lɛ a ngɛ ngmlaa kpae hoo ngɛ lejɛ ɔ nɛ; a ngɛ huãe kɛ ngɛ pɛe ke, “Mɛnɔ maa nu wa he?”

Abɛ Womi 12:18

Munyu nɛ a tuɔ kɛkɛ nɛ juɛmi be mi ɔ, e yeɔ nɔ awi kaa klaate. Se ní lelɔ nya mi munyu tsaa nɔ.

Abɛ Womi 18:21

Munyu nɛ jeɔ nɔ nya mi ɔ, gbenɔ, loo wami lɛ e kɛ baa. Nihi nɛ suɔ munyu tumi ɔ, nɔ́ kpakpa, loo nɔ́ yaya ko nɛ maa je mi kɛ ba a, e sa mɛ.

Abɛ Womi 30:14

Ni komɛ sisiɔ ohiatsɛmɛ, kɛ nihi nɛ a ní ngɛ mɔbɔ, nɛ a kpɔɔ níhi ngɛ a dɛ. Bɔ nɛ jamɛatsɛmɛ ɔmɛ peeɔ kɛ yeɔ ní ji nɛ ɔ nɛ.

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Mateo 26:59

Osɔfo nikɔtɔma amɛ, kɛ kpe ngua a tsuo hla kaa a maa na lakpa odase ko ngɛ Yesu he, konɛ a gbe lɛ;

Ni Tsumi 24:1

Ligbi enuɔ se ɔ, Anania, osɔfo nɔkɔtɔma pe kulaa a, kɛ ma nikɔtɔma komɛ, kɛ otsiamɛ ko nɛ a tsɛɛ lɛ Tertulo ɔ ba Kaisarea. A ba Felike ngɔ, nɛ a ba po Paulo nya ha lɛ.

Ni Tsumi 24:5

Wa na nyumu nɛ ɔ kaa ma ywialɔ. E woɔ Yuda bi a yi mi ngɛ he tsuaa he ke a tsɔ atuã. Jehanɛ hu, kuu nɛ a tsɛɛ Nazaree ɔ a nyatsɛ kpanaku ji lɛ.

2 Korintobi 11:13

Kikɛmɛ a nimli nɛ ɔmɛ ɔ, lakpa bɔfohi ji mɛ; tsa pi anɔkuale bɔfohi ji mɛ. A ní tsumi ji kaa a hi kpae, nɛ a hi nɔ sisie. A tsakeɔ a he, konɛ nihi nɛ na mɛ kaa Kristo nitsɛ e bɔfohi.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Kpojemi 12:10

Kɛkɛ nɛ i nu gbi ko nɛ ngɛ pɛe kɛ ngmlaa ngɛ hiɔwe ke, “Jehanɛ ɔ lɛɛ yi wami hemi ba! Jehanɛ ɔ lɛɛ Mawu maa ngɔ e he wami kpetekpleenyɛ ɔ kɛ ye matsɛ! Jehanɛ ɔ lɛɛ e Kristo he wami ɔ je kpo. Ejakaa Abosiami nɛ daa si ngɛ wa Mawu ɔ hɛ mi nyɔ kɛ pia, nɛ e poɔ wa nyɛmimɛ ɔmɛ a nya haa lɛ ɔ be lejɛ ɔ hu. A sake Abosiami kɛ je hiɔwe ngɔ fɔ si.

Samuel I, 22:9

Kɛkɛ nɛ Doeg, Edom no ɔ nɛ lɛ hu e daa si ngɛ Saul tsɔli ɔmɛ a kasa nya a, he nɔ nɛ e de ke, “I na Ishai binyumu ɔ benɛ e ba Ahitub binyumu Ahimelek ngɔ ngɛ Nob.