La 52:1 - BAIBLO ALOO NGMAMI KLƆUKLƆU Ɔ

¹ Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.

La 52:1 ပူးပေါင်းရင်းမြစ်များ

La 10:7

Munyuhi nɛ jeɔ e nya ji gbiɛmi kɛ sisimi, kɛ níhi nɛ woɔ nɔ susuma he gbeye. E he sɔɔ kɛ tuɔ yakayaka munyuhi, kɛ munyuhi nɛ kɛ nɔ woɔ haomi mi.

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

La 107:1

“Nyɛɛ na Yawɛ si, ejakaa e hi, nɛ e suɔmi ɔ ngɛ kɛ yaa neneene!”

La 54:3

Ejakaa ma je li ma mi tuami. Yiwutsotsɛmɛ ngɛ hlae nɛ a kpata ye hɛ mi; mɛɛ lɛɛ pi a he sane ko ji mo Mawu.

La 59:7

Mɛ lɛ a ngɛ ngmlaa kpae hoo ngɛ lejɛ ɔ nɛ; a ngɛ huãe kɛ ngɛ pɛe ke, “Mɛnɔ maa nu wa he?”

La 7:14

Ke yiwutsotsɛ ngɛ nɔ́ yayami susue ɔ, e hii nɔ́ ɔ plɛe ngɛ e yi mi kpamisa kaa bɔ nɛ bimwɔyo hii plɛe ngɛ yohɔyo mi mi ɔ. Nyagbe ɔ, nɔ́ nɛ jeɔ kpo ji lakpa.

La 94:4

Yayami peeli maa hi munyu tue puu kɛkɛ, nɛ a maa hi fĩae kɛ yaa si mɛni be?

Mose II, 22:9

“Ke na, loo teji, loo to, loo heha ní, loo nɔ́ kpa ko laa, nɛ nihi enyɔ ngɛ he plee ɔ, a ngɔ mɛ kɛ ba Mawu hɛ mi. A ti nɔ nɛ Mawu maa bu fɔ ɔ maa wo nɔ́ nɛ a ngɛ he plee ɔ he hiɔ ngwɔhe enyɔ kɛ ha nɔtsɛ ɔ.

Abɛ Womi 6:14

Be nɛ ɔ mi tsuo ɔ, ní yaya sɔuu lɛ e hii susue; e hii pɛ woe ngɛ he tsuaa he.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yeremia 41:4

E nɔ jena benɛ nɔ ko nɔ ko nui he lolo kaa a gbe Gedalia a,

Yeremia 9:8

A lilɛ ngɛ kaa kɛ̃ɛ̃ mi bi nɛ gbeɔ nɔ; lakpa pɛ a yeɔ. Nɔ kɛ e nyɛmi tuɔ munyu ngɛ he jɔmi mi, se a tsui mi be ja; klama mohu lɛ a hii a sibi tsɔe.

Mika 7:3

Mɛ tsuo pɛpɛɛpɛ a he sɔɔ kɛ yayami peemi. Ma ní tsuli kɛ kojoli heɔ nyɔ mi ní. Niatsɛmɛ ɔmɛ heɔ mɛ kɛ sika. A tsɔɔ mɛ yi wu tso níhi nɛ a suɔ kaa a pee ha mɛ, nɛ a peeɔ kɛ haa mɛ.

Romabi 1:30

a yeɔ sieku, nɛ a sume Mawu sane; a bui nɔ, a woɔ a he nɔ, a fĩaa, a toɔ nɔ́ yaya he ga, nɛ a bui a fɔli;

2 Timoteo 3:2

Nihi ma hla kaa a ma fo mɛ nitsɛmɛ pɛ a nɔ mi; a maa pee a he sika suɔli, fĩali, he woli, kɛ lilɛtsɛmɛ, nihi nɛ bui a fɔli, nihi nɛ li sina, kɛ nihi nɛ Mawu jami pi a he sane ko.

Samuel I, 21:7

Jamɛ a ligbi ɔ, Saul tsɔli ɔmɛ a ti nɔ kake ngɛ lejɛ ɔ nɛ a tsi e nya ngɛ Yawɛ hɛ mi. E biɛ ji Doeg; e je Edom, nɛ Saul lohwehi a hyɛli ɔmɛ a nɔkɔtɔma ji lɛ.