La 51:6 - BAIBLO ALOO NGMAMI KLƆUKLƆU Ɔ

⁶ O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

La 51:6 ပူးပေါင်းရင်းမြစ်များ

La 15:2

Nɔ nɛ piami ko be e he, nɛ e peeɔ nɔ́ nɛ da. Nɔ nɛ tuɔ anɔkuale sisiisi,

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”

1 Petro 3:4

Se mohu, bɔ nɛ nyɛ ngɛ ha ngɛ nyɛ tsui mi ɔ, lɔ ɔ maa tsɔɔ nyɛ he fɛu ɔ nitsɛnitsɛ. Nɔmlɔ nɛ he jɔ, nɛ e ngɛ kpoo ɔ, e he fɛu nɛ tsakee we ɔ ji nɔ́ nɛ he jua wa saminya ngɛ Mawu hɛ mi.

Hiob 38:36

Mɛnɔ lɛ ha nɔmlɔ adesa nile? Mɛnɔ kɛ juɛmi wo nɔmlɔ yi mi?

Romabi 7:22

Ngɛ ye tsui mi ɔ, i suɔ Mawu mlaa a saminya.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Luka 11:39

Lɔ ɔ he ɔ, Nyɔmtsɛ ɔ de lɛ ke, “Hyɛ, nyɛ Farisi bi, nyɛ fɔɔ nyɛ kplu kɛ kã he, se nyɛ mi lɛɛ e hyi tɔ kɛ ojo fiami, kɛ yi wu tso ní peemi.

La 5:9

Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

La 26:2

Yawɛ, kaa mi nɛ o hyɛ; hyɛ ye tsui mi, nɛ o hyɛ ye juɛmi mi.

Hiob 32:8

Se, Mawu Ope mumi ɔ nɛ ngɛ nɔmlɔ adesa mi ɔ, lɛ nɛ e haa nɔmlɔ nile.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Abɛ Womi 2:21

Dali, kɛ nimli kpakpahi ji ni nɛmɛ nɛ maa hi zugba nɛ ɔ nɔ.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

La 125:4

Yawɛ, nihi nɛ peeɔ kpakpa, kɛ nihi nɛ peeɔ nɔ́ nɛ da kɛ je a tsui mi ɔ, ha nɛ e hi ha mɛ.

Samuel II, 12:13

David de Natan ke, “I pee yayami kɛ si Yawɛ.” Natan de lɛ ke, “Yawɛ ngɔ o he yayami ɔ ngɔ pa mo; o be gboe!

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

La 41:5

Ye he nyɛli ɔmɛ tuɔ ye he munyu yaya. A deɔ ke, “Mɛni be po e ma gbo nɛ e biɛ maa laa?”

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?