La 51:4 - BAIBLO ALOO NGMAMI KLƆUKLƆU Ɔ

⁴ Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

La 51:4 ပူးပေါင်းရင်းမြစ်များ

Mose I, 20:6

Mawu ha lɛ heto ngɛ nlami ɔ mi ke, “Niinɛ, i le kaa nɔ́ nɛ o pee nɛ ɔ je o tsui mi faa, nɛ o he nile bui mo fɔ; enɛ ɔ he je nɛ i ha we nɛ o ta yo ɔ he, konɛ o ko pee yayami kɛ si mi.

Mose I, 38:7

Yuda bitɛte Er pee e he nɔmlɔ yayami. Nɔ́ nɛ ɔ ngɔɛ Yawɛ nya; lɔ ɔ he ɔ, Yawɛ gbe lɛ.

Mose I, 39:9

I ngɛ he wami ngɛ we nɛ ɔ mi kaa bɔ nɛ lɛ hu e ngɛ ɔ. Nɔ́ ko nɔ́ ko be nɛ ye nyɔmtsɛ ɔ je we he gbi ha mi, kaa ja mo pɛ; ejakaa moo lɛɛ e yo ji mo. Mɛni he je mɔ nɛ ma tsu yi wu tso ní kaa kikɛ nɛ ɔ, nɛ ma pee yayami kɛ si Mawu?”

Mose I, 9:6

I pee nɔmlɔ kaa bɔ nɛ imi, Mawu ɔ nitsɛ i ngɛ ɔ; lɔ ɔ he ɔ, nɔ tsuaa nɔ nɛ ma pue nɔmlɔ adesa muɔ si ɔ, e nyɛmi nɔmlɔ adesa nɔuu ma pue lɛ hu e muɔ si.

Matsɛmɛ II, 17:17

A ngɔ a binyumuhi, kɛ a biyihi kɛ sã sami bɔhi, kɛ ha wɔhi. A kla, a ye kunya, nɛ a je blɔ pee yayami nɛ a kɛ wo Yawɛ mi mi la.

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

La 50:4

E maa kojo e ma a; lɔ ɔ he ɔ, e ngɛ hiɔwe kɛ zugba odase tsɛe.

La 50:6

Hiɔwe tsuo ngɛ dee ke Mawu ɔ, dalɔ kɛ kojolɔ ji lɛ.

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Mose III, 5:19

E ji fɔ yemi bɔ, ejakaa e pee yayami kɛ si Yawɛ.

Luka 15:21

E bi ɔ de lɛ ke, ‘Tsaatsɛ, i pee yayami kɛ si Mawu, nɛ mo hu i pee mo yayami, nɛ i sɛ kaa a tsɛɔ mi o bi hu.’

Luka 7:29

Ma a, kɛ tó tsuli ɔmɛ tsuo nɛ nu fiɛmi ɔ, bu Mawu tue. Níhi nɛ Mawu de mɛ ke a pee ɔ, a pee pɛpɛɛpɛ, nɛ Yohane sɔle mɛ.

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Romabi 3:4

Dɛbi! Mawu ɔ, anɔkualetsɛ ji lɛ; pohu nimli adesahi tsuo lɛɛ lakpa a yeɔ. Kaa bɔ nɛ ngmami ɔ deɔ ɔ, “Konɛ nihi tsuo nɛ a na kaa nɔ́ tsuaa nɔ́ nɛ o deɔ ɔ ngɛ mi; Nɛ ke a kojo mo hu, o yeɔ nguɔ.”

Yakobo 2:11

Mawu ɔ nɛ wo mlaa ke a ko puɛ gba a, lɛ nɔuu lɛ e wo mlaa ke a ko gbe nɔmlɔ. Lɔ ɔ he ɔ, ke o puɛ we gba, se o gbeɔ nɔmlɔ ɔ, o tɔ mlaa a tsuo.

Yakobo 2:9

Se ke nyɛ hyɛɔ nihi a hɛ mi ɔ, yayami nyɛ ngɛ pee ɔ nɛ, nɛ nyɛ yeɔ fɔ kaa nyɛ tɔ mlaa.

Kpojemi 16:5

Nɛ i nu nɛ bɔfo ɔ nɛ ngɛ he wami ngɛ nyu nɔ ɔ ngɛ Mawu dee ke, “Mo ji Mawu Klɔuklɔu ɔ nɛ. Mo ji Mawu nɛ ngɛ amlɔ nɛ ɔ, kɛ nɔ nɛ hi si sa a. O ye dami sane ngɛ o kojomi nɛ ɔmɛ a mi!

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.