La 51:3 - BAIBLO ALOO NGMAMI KLƆUKLƆU Ɔ

³ Ye tɔmi ɔmɛ ɔ, imi nitsɛ i le, nɛ ye hɛ ngɛ ye yayami ɔmɛ a nɔ daa.

La 51:3 ပူးပေါင်းရင်းမြစ်များ

Hiob 33:27

E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

La 38:18

I ngɛ jajee kaa i pee yayami; ye he yayami ɔmɛ ngɛ mi dɔe.

La 40:12

Haomi babauu nɛ hí kaiemi bɔle mi kɛ kpe. Ye yayami ɔmɛ ba pe mi, nɛ i pa hyɛ we nɔ́ hu. Ye yayami ɔmɛ hiɛ kulaa pe ye yi bwɔmi; ye mumi nya ta!

La 41:5

Ye he nyɛli ɔmɛ tuɔ ye he munyu yaya. A deɔ ke, “Mɛni be po e ma gbo nɛ e biɛ maa laa?”

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yesaya 59:12

“Yawɛ, wa tɔmi ɔmɛ hiɛ babauu ngɛ o hɛ mi. Wa he yayami ɔmɛ yeɔ odase kɛ siɔ wɔ. Wɔ nitsɛmɛ wa le wa nisɛ ní a ní ɔmɛ tsuo.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”