La 51:19 - BAIBLO ALOO NGMAMI KLƆUKLƆU Ɔ

¹⁹ Lɔ ɔ loko o bua maa jɔ bɔhi nɛ sa a he; sami bɔ ɔ, o bua maa jɔ he; a maa sã na kuhi ngɛ o bɔ sami la tɛ ɔ nɔ.

La 51:19 ပူးပေါင်းရင်းမြစ်များ

La 4:5

Nyɛɛ sã bɔ nɛ sa ha Yawɛ; nyɛɛ ngɔ nyɛ hɛ kɛ fɔ e nɔ.

Malaki 3:3

E ma ba kojo kaa bɔ nɛ sika hiɔ ga ní tsulɔ tsuɔ sika hiɔ he ɔ. Kaa bɔ nɛ sika hiɔ, loo sika tsu ga ní tsulɔ tsuɔ sika he ɔ, ja ji bɔ nɛ Yawɛ tsɔlɔ ɔ maa tsu osɔfo ɔmɛ a he, konɛ a ngɔ nike ní nɛ sa kɛ ba ha lɛ Yawɛ ɔ.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

La 118:27

Yawɛ ji Mawu; e ha wɔ la. Nyɛɛ hɛɛ tã kuɔmi ngɛ nyɛ dɛ, nɛ nyɛɛ bɔ sala kɛ ya bɔle bɔ sami la tɛ ɔ koli ɔmɛ.

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

La 34:19

Nɔ nɛ peeɔ nɔ́ nɛ da a, haomi babauu baa e nɔ; se Yawɛ jeɔ lɛ kɛ jeɔ lɛ tsuo mi.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.