La 51:13 - BAIBLO ALOO NGMAMI KLƆUKLƆU Ɔ

¹³ Kɛkɛ ɔ, ma tsɔɔ yayami peeli o mlaa a, konɛ a kpale kɛ ba o ngɔ.

La 51:13 ပူးပေါင်းရင်းမြစ်များ

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Ni Tsumi 15:3

Asafo ɔ wo mɛ blɔ kɛ ho. Benɛ a gu Foinike kɛ Samaria kɛ yaa a, a sɛɛ ha nihi ngɛ blɔ ɔ nɔ bɔ nɛ ma je li ɔmɛ hu tsake a tsui. Enɛ ɔ ha nɛ nyɛmimɛ ɔmɛ tsuo na bua jɔmi babauu.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Mateo 18:3

nɛ e de ke, “Niinɛ, i ngɛ nyɛ dee ke, ke nyɛ tsakee we nɛ nyɛɛ pee kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe.

Yeremia 31:18

“I nu nɛ Israel ma a ngɛ kɔmɔ yee ke, ‘Yawɛ, jinɛ wa ngɛ kaa lohwe nɛ hɛ mi jɔɛ; se o tsɔse wɔ nɛ wa he jɔ. Moo kpale wɔ kɛ ba o ngɔ ekohu, ejakaa mo ji Yawɛ, wa Mawu ɔ nɛ.

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

La 25:8

Akɛnɛ Yawɛ hi, nɛ e da he je ɔ, e tsɔɔ yayami peeli blɔ nɛ sa kaa a nyɛɛ nɔ.

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

La 19:7

Yawɛ mlaa a hi kɛ pi si; e haa nɔ naa he wami he. Yawɛ mlaa a, anɔkuale sɔuu, e haa nɛ kuasia leɔ ní.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

La 25:4

Yawɛ, tsɔɔ mi o blɔ ɔmɛ; Yawɛ, ha nɛ ma le o blɔ ɔmɛ.

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Matsɛmɛ II, 17:23

kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.