La 51:11 - BAIBLO ALOO NGMAMI KLƆUKLƆU Ɔ

¹¹ Koo fie mi kɛ je o hɛ mi, nɛ ko je o Mumi Klɔuklɔu ɔ kɛ je ye mi.

La 51:11 ပူးပေါင်းရင်းမြစ်များ

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.

Matsɛmɛ II, 13:23

se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

Mose I, 6:3

Kɛkɛ nɛ Yawɛ de ke, “I be hae nɛ nɔmlɔ nɛ hi je mi kɛ ya neneene; ejakaa nɔ́ nɛ gboɔ ji lɛ. Kɛ je be nɛ ɔ mi kɛ yaa a, nɔmlɔ be yee pe jeha lafa kɛ nyingmi enyɔ.”

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Luka 11:13

Ke nyɛ nimli yayamihi po nyɛ le bɔ nɛ nyɛ haa nyɛ bimɛ ní kpakpahi ɔ, nyɛ Tsɛ nɛ ngɛ hiɔwe ɔ lɛɛ e maa ngɔ Mumi Klɔuklɔu ɔ kɛ ha nihi nɛ biɔ lɛ ɔ kulaa pe kikɛ nɛ ɔ po!”

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

Samuel I, 16:14

Jehanɛ Yawɛ mumi ɔ je Saul nɔ, nɛ Yawɛ ha mumi yayami ko ba hao lɛ.

Samuel I, 10:10

Benɛ Saul kɛ e tsɔlɔ ɔ ya su Gibea a, e kɛ gbali a kuu ko kpe; nɛ tlukaa a, Mawu mumi ɔ ba e nɔ, nɛ e kɛ mɛ bɔni domi, kɛ huhui kpami.

Manyadali 16:20

Delila de lɛ ke, “Samson! Filisti bi ɔmɛ ma mo numi!” Kɛkɛ nɛ Samson hɛ tsɛ̃, nɛ e de ke, “Ma je kpo kaa bɔ nɛ i peeɔ daa a, nɛ ma ya hoso ye he.” Se e li tete kaa Yawɛ je e se.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

La 71:9

Ko sake mi kɛ fɔ he ngɛ ye bwɔmi mi, be nɛ ye he wami ta nɛ ɔ.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

Samuel II, 7:15

Se ye suɔmi kɛ mɔbɔ nami ɔ lɛɛ i be jee ngɛ e nɔ gblegbleegble. I be lɛ pee kaa bɔ nɛ i pee Saul, nɔ nɛ i je kɛ je o blɔ mi nɛ o ba ye matsɛ ɔ.

Manyadali 15:14

Benɛ e ba su Lehi ɔ, Filisti bi ɔmɛ he ose kɛ ba na lɛ. Tlukaa a, Yawɛ mumi ɔ ba e nɔ wawɛɛ nitsɛ, nɛ e tsɔ tangme ɔmɛ nɛ blaa e nine ɔ pue si kaa doti nɛ la sɛ mi.

Yeremia 7:15

Ma fie nyɛ kɛ je hiɛ ɔ kaa bɔ nɛ i fie nyɛ nyɛmimɛ ɔmɛ tsuo, nɛ ji Efraim nina a. Imi, Yawɛ lɛ i de.”

La 43:2

Ejakaa mo Mawu ji ye wesa he. Mɛni he je nɛ o kua mi? Mɛni he je nɛ yayami peeli maa hi mi yi mi wae, nɛ ma hi kɔmɔ yee kpamisa?

Mose I, 4:14

Mwɔnɛ ɔ, o fie mi kɛ je zugba a nɔ, nɛ i be o hɛ mi bae hu. Ma bɔ kó, nɛ ma wo lalaalo ngɛ je ɔ mi; nɛ nɔ tsuaa nɔ nɛ maa na mi ɔ maa gbe mi.”

Romabi 1:4

Se a tle lɛ si kɛ je gbeje ngɛ Mawu mumi ɔ he wami nya kɛ tsɔɔ kaa Mawu Bi ji lɛ; nɛ e ngɛ klɔuklɔu.

Matsɛmɛ II, 23:27

Yawɛ de ke, “Ma kpata Yuda hɛ mi kaa bɔ nɛ i pee Israel ɔ; nɛ ma kua Yerusalem, ma nɛ i hla a, kɛ we ɔ nɛ i de ke lejɛ ɔ ji he nɛ i to nɛ a ja mi ngɛ ɔ.”

Manyadali 13:25

Yawɛ mumi ɔ bɔni e he ní tsumi ngɛ Mahane Dan, ngɛ Zora kɛ Eshtaol a kpɛti.