La 50:7 - BAIBLO ALOO NGMAMI KLƆUKLƆU Ɔ

⁷ “Ye ma, nyɛ ta tue saminya, konɛ nyɛɛ nu nɔ́ nɛ ma de kɛ si nyɛ, Israel ma. Imi ji nyɛ Mawu ɔ nɛ.

La 50:7 ပူးပေါင်းရင်းမြစ်များ

La 81:8

Ye ma, nyɛɛ bu tue nɛ ma wo nyɛ ga. Israel bi, i na nɛ nyɛ bu mi tue!

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Yeremia 2:9

“Lɔ ɔ he ɔ, imi Yawɛ, i kɛ ye ma a maa to ní. I kɛ mɛ, kɛ a nina tsuo maa to ní.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Ezekiel 20:7

I de mɛ ke yakayaka mawuhi nɛ a suɔ nɛ ɔ, a sake mɛ ngɔ pue he, se a ko ngɔ Egipt amagahi kɛ ble a he; ejakaa imi ji Yawɛ, a Mawu ɔ nɛ.

Ezekiel 20:5

De mɛ nɔ́ nɛ i ngɛ dee ɔ. Benɛ i hla Israel ma a, i wo mɛ si ko. I je ye he kpo kɛ tsɔɔ mɛ ngɛ Egipt, nɛ i de mɛ ke, imi ji Yawɛ, nyɛ Mawu ɔ nɛ.

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

La 49:1

Je ɔ mi nihi tsuo, nyɛɛ bu mi tue. Nyɛ ta tue saminya ha mi!

Kronika II, 28:5

Akɛnɛ Matsɛ Ahaz pee yayami he je ɔ, Yawɛ, e Mawu ɔ ha nɛ Siria matsɛ ɔ ba ye e nɔ kunimi, nɛ e nuu Yuda bi babauu nyɔguɛ kɛ ho Damasko ya. Jehanɛ hu, Yawɛ ha nɛ Israel matsɛ, Peka, Remalia binyumu ɔ ba ye Ahaz nɔ, nɛ e gbe Yuda ta buli kpakpahi akpe lafa kɛ nyingmi enyɔ ligbi kake. Yawɛ, a nɛmɛ a Mawu ɔ ngmɛ blɔ nɛ a pee nɔ́ nɛ ɔ, ejakaa Yuda ma a kua lɛ.

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Matsɛmɛ I, 18:39

Benɛ ma a tsuo na nɔ́ nɛ ɔ, a ngɔ a hɛ mi ngɔ bu si, nɛ a de ke, “Yawɛ ji Mawu! Yawɛ ji Mawu!”

La 81:9

Nyɛ ko ha nɛ a na mawu kpahi ngɛ nyɛ kpɛti; nyɛ ko ja ma se mawuhi.