La 50:3 - BAIBLO ALOO NGMAMI KLƆUKLƆU Ɔ

³ Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

La 50:3 ပူးပေါင်းရင်းမြစ်များ

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

La 68:20

Wa Mawu ɔ, Mawu nɛ heɔ nɔ yi wami ji lɛ; Nyɔmtsɛ Yawɛ ɔ, lɛ nɛ e jeɔ nɔ kɛ jeɔ gbenɔ mi.

La 83:1

Mawu, ko ma o nya; koo pee dii, koo pee kɔ̃!

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

Mose II, 19:18

Sinai yo ɔ tsuo hyi kɛ la su ku; ejakaa Yawɛ kple si kɛ ba yo ɔ nɔ ngɛ la mi. La su ku ɔ ngɛ si tee kɛ ngɛ hiɔwe yae kaa buɛsa he la su ku, nɛ yo ɔ tsuo mimiɛ wawɛɛ nitsɛ.

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Ezekiel 1:4

Ma wo ye yi nɔ ɔ, o nɛ ahumi nguaa ko nɛ hia kɛ je omleyi je kɛ ma. Oslabai ngɛ gbae nɔtonɔto kɛ ngɛ bɔku agbo ko mi jee. Hiɔwe ɔ nɛ bɔle bɔku ɔ tsuo ngɛ la pãe nylamnylam; nɔ́ ko ngɛ kpɛe kaa akɔblee ngɛ la a mi.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Mose III, 10:2

Tlukaa a, la je Yawɛ ngɔ ba sã mɛ, nɛ a gbo ngɛ lejɛ ɔ.

Habakuk 3:5

E haa nɛ hiɔhi baa, nɛ gbenɔ nyɛɛɔ se.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mose IV, 16:35

Kɛkɛ nɛ la je Yawɛ ngɔ ba sã nimli lafa enyɔ kɛ nyingmi enuɔ ɔmɛ nɛ a ngɔ tsopa kɛ e he via a kɛ ba a.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!