La 50:23 - BAIBLO ALOO NGMAMI KLƆUKLƆU Ɔ

²³ Nɔ nɛ ba sãã bɔ kɛ naa mi si ɔ, e ngɛ ye hɛ mi nyami woe. Nɔ nɛ peeɔ nɔ nɛ da a, imi Mawu hu ma he e yi wami.”

La 50:23 ပူးပေါင်းရင်းမြစ်များ

La 91:16

Kpakpa nɛ ma pee lɛ ji, ma ha nɛ e wami se maa kɛ, nɛ ma he e yi wami.”

La 86:12

Nyɔmtsɛ, ye Mawu, ma je o yi kɛ ye tsui tsuo, nɛ o he wami kpetekpleenyɛ ɔ, ma wo ta daa.

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Luka 2:30

Ejakaa kpɔlɔ ɔ nɛ o wo si ke o ma ha je ɔ, i na lɛ kɛ imi nitsɛ ye hɛ ngmɛ paa.

La 85:13

Dami maa nyɛɛ Yawɛ hɛ mi, nɛ e ma dla blɔ ngɔ to lɛ.

Galatabi 1:24

Nɛ ye he ɔ, a wo Mawu hɛ mi nyami.

La 86:9

Nyɔmtsɛ, je ma amɛ tsuo nɛ o bɔ ɔ ma ba kpla si ngɛ o hɛ mi, nɛ a ma je o he wami kpetekpleenyɛ ɔ yi.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Petro 1:15

Se mohu ɔ, nyɛ ha nɛ nyɛ je mi bami he nɛ tsɔ kaa bɔ nɛ nɔ nɛ tsɛ nyɛ ɔ ngɛ klɔuklɔu ɔ.

Galatabi 6:16

Nihi tsuo nɛ maa ba a je mi kaa kikɛ nɛ ɔ, Mawu nɛ na mɛ mɔbɔ, nɛ e ha mɛ he jɔmi. Ee, Mawu nɛ pee enɛ ɔ ha mɛ kɛ lɛ nitsɛ e ma, Israel ɔ tsuo.

Romabi 15:9

E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

Romabi 15:6

Kɛkɛ ɔ, nyɛ tsuo nyɛ maa pee kake, nɛ nyɛɛ kɛ gbi kake nɛ wo Mawu, wa Nyɔmtsɛ Yesu Kristo Tsɛ ɔ hɛ mi nyami.

La 85:9

Niinɛ, Mawu pee klaalo kɛ ma he nihi nɛ jaa lɛ ɔ a yi wami; konɛ hɛ mi nyami nɛ hi wa zugba a mi.

Ni Tsumi 11:14

Ke e ba a, e ma de mo níhi nɛ a maa gu nɔ kɛ he mo nitsɛ, kɛ o we ɔ tsuo nyɛ yi wami.’

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

La 27:6

Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

La 22:23

Nyɛ nɛ nyɛ yeɔ Yawɛ gbeye, nyɛ je e yi. Nyɛ Yakob nina tsuo, nyɛɛ wo e hɛ mi nyami. Nyɛ Israel ma, nyɛɛ ye lɛ gbeye.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

La 34:5

Nihi nɛ ngɔɔ a hɛ kɛ fɔɔ e nɔ ɔ, a naa bua jɔmi; zo gbi mɛ gblegbleegble.

La 120:1

Benɛ i ngɛ haomi mi ɔ, i kpa ngmlaa kɛ tsɛ Yawɛ, nɛ e bu mi tue.