La 50:17 - BAIBLO ALOO NGMAMI KLƆUKLƆU Ɔ

¹⁷ O sume tsɔsemi, nɛ ye munyu hu o sake ngɔ fɔ o tue se.

La 50:17 ပူးပေါင်းရင်းမြစ်များ

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Abɛ Womi 12:1

Nɔ nɛ le ní ɔ, e suɔ nɛ ke e ngɛ nɔ́ ko pee nɛ dɛ ɔ, a de lɛ. Se kuasia lɛɛ e sume nɛ a kaa e hɛ mi.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Yohane 3:20

Nɔ tsuaa nɔ nɛ peeɔ yayami ɔ, e nyɛɔ la a; nɛ e sume nɛ e baa la a nya, ejakaa e sume nɛ a naa e ní yayami ɔmɛ.

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”

Abɛ Womi 8:36

Se nɔ nɛ hla we mi ɔ, lɛ nitsɛ e he awi lɛ e ngɛ yee. Nihi tsuo nɛ nyɛɔ mi ɔ, a suɔ gbenɔ.”

Matsɛmɛ I, 14:9

O pee yayami kulaa pe ni nɛmɛ nɛ ye tsɛ kɛ sɛ o hlami ɔ. O kua mi; O ya pee mawu kpa komɛ, nɛ o puɛ amagahi, nɛ o kɛ nɔ́ nɛ ɔ wo ye mi mi la.

Yesaya 5:23

Nyɛ heɔ nyɔ mi ní ngɛ nihi nɛ ye fɔ a dɛ nɛ nyɛ ngmɛɔ a he; se nihi nɛ yi fɔ mohu lɛɛ nyɛ yi a sane ha we mɛ.

Mose III, 26:15

ke nyɛ be ye mlaa amɛ, blɔ nya tomi ɔmɛ, kɛ somi nɛ i kɛ nyɛ so ɔ a nɔ yee ɔ,

Abɛ Womi 15:10

Nɔ nɛ pee we nɔ́ nɛ da a, a maa gbla e tue wawɛɛ; nɔ nɛ sume nɛ a ka e hɛ mi ɔ, e ma gbo.