La 50:14 - BAIBLO ALOO NGMAMI KLƆUKLƆU Ɔ

¹⁴ Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

La 50:14 ပူးပေါင်းရင်းမြစ်များ

Hebribi 13:15

Lɔ ɔ he ɔ, e hia kaa wa je Mawu yi daa. Wɔ nihi nɛ wa heɔ Mawu yeɔ ɔ, nɔ́ nɛ waa kɛ wa nya jaje ɔ kɛ jeɔ e Bi ɔ yi ɔ ji bɔ nɛ wa ngɛ sãe ha Mawu kɛ gu Yesu Kristo nɔ ɔ nɛ.

La 56:12

Mawu, si nɛ i wo mo ɔ, ma ye nɔ; ma ngɔ sina bɔ kɛ ba ha mo.

Mose V, 23:21

“Ke o wo Yawɛ, o Mawu ɔ si ɔ, ye nɔ; koo to tsle. Yawɛ hyɛɛ blɔ kaa o ye o siwo ɔ nɔ; nɛ ke o pee we ja a, e ji tɔmi.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

La 76:11

Nyɛɛ wo Yawɛ, nyɛ Mawu ɔ si, nɛ nyɛɛ ye siwo ɔmɛ a nɔ. Nyɛ nihi tsuo nɛ nyɛ bɔle Nyɔmtsɛ ɔ, nɔ nɛ he ngɛ gbeye ɔ, nyɛɛ ngɔ nike ní ba ha lɛ.

1 Tesalonikabi 5:18

nyɛɛ na Mawu si ngɛ nɔ́ tsuaa nɔ́ he. Nyɛ nihi nɛ nyɛ ngɛ Kristo Yesu mi ɔ, enɛ ɔ ji nɔ́ nɛ Mawu suɔ kaa nyɛɛ pee.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

La 50:23

Nɔ nɛ ba sãã bɔ kɛ naa mi si ɔ, e ngɛ ye hɛ mi nyami woe. Nɔ nɛ peeɔ nɔ nɛ da a, imi Mawu hu ma he e yi wami.”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Nahum 1:15

Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

La 147:1

Nyɛ je Yawɛ yi! E hi kaa a la kɛ je wa Mawu ɔ yi; ejakaa dloolɔ ji lɛ, nɛ e sa kaa a la kɛ je e yi.

La 65:1

Mawu, e sa kaa a je o yi ngɛ Zion, nɛ sihi nɛ a wo mo ɔ, a ye nɔ.

La 27:6

Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

La 22:25

Ma je o yi ngɛ ma kpekpemi ɔ a hɛ mi. Ma ye ye siwo ɔ nɔ ngɛ ni nɛmɛ nɛ yeɔ mo gbeye ɔ a hɛ mi.

La 61:8

Kɛkɛ ɔ, imi hu ma la kɛ je o biɛ ɔ yi daa, nɛ ma ye ye siwo ɔmɛ a nɔ daa ligbi.

Mose V, 23:22

Ke o wui Yawɛ si kulaa a, e pi tɔmi.

Mose V, 23:23

Se ke o je mo nitsɛ o tsui mi nɛ o wo si ɔ, ye nɔ pɛpɛɛpɛ.

Mose V, 23:24

“Ke o ya sɛ o nyɛmi wai ngmɔ mi ɔ, o ma nyɛ maa ye wai yiblii ɔ bɔ nɛ o suɔ nɛ o tɔ; se koo ngɔ eko kɛ wo o níhi a mi kɛ je.

Hiob 22:27

Ke o fa kue ha lɛ ɔ, e ma he nɔ, nɛ o maa ye o siwo ɔ nɔ.

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

La 69:32

Ke nɔ́ nali na a, a bua maa jɔ. Nyɛ ni nɛmɛ nɛ nyɛ ngɛ Mawu se blɔ hlae ɔ, nyɛ nɔ gbagba nɛ te.

La 76:12

Ganɔhi nɛ woɔ a he nɔ ɔ, e baa mɛ si; e woɔ matsɛmɛ nguanguahi hu a he gbeye.

Nahum 2:1

Nineve, ta tua mo! Nyɛ ya da nyɛ blɔ hehi ngɛ gbogbo ɔmɛ a he! Nyɛɛ bu blɔ ɔmɛ a he! Nyɛɛ mia kɛ ha ta!