La 5:9 - BAIBLO ALOO NGMAMI KLƆUKLƆU Ɔ

⁹ Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

La 5:9 ပူးပေါင်းရင်းမြစ်များ

Romabi 3:13

A tuɔ munyu dɔkɔdɔkɔ; se lɛ tsuo gbenɔ lɛ e kɛ baa. A munyu ngɛ kaa sanga duɔ.

La 62:4

E yi nɔ sɔuu a ngɛ soe, konɛ a gbla lɛ kɛ je e blɔ he nguaa a kɛ ba nɔ si. Munyu kpakpa jeɔ a nya, se a tsui mi hyi kɛ yayami sɔuu.

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Abɛ Womi 29:5

Nɔ nɛ kɛ e nyɛmi tuɔ munyu dɔkɔbii ɔ, klama e ngɛ lɛ tsɔe ɔ nɛ.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

Luka 11:44

Musu tloo nyɛ! Nyɛ ngɛ kaa yɔkɔhi nɛ a tui a he so, nɛ nihi nyɛɛɔ a nɔ nɛ a li.”

La 52:2

Nihi a hɛ mi kpatami he sɔuu o ngɛ soe be tsuaa be. O lilɛ ngɛ kaa asoyi nɛ nya ba, mo lakpatsɛ, nɔ sisilɔ.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

La 64:6

A toɔ ga, konɛ a kɛ pee nɔ yayami, nɛ a deɔ ke, “Mɛnɔ ma nyɛ ma kpa wa ga nɛ ɔ si? Wa gbe nya! Wa to ga nɛ nɔ be!” Nɔmlɔ adesa yi mi, kɛ e tsui mi kuɔ!

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

Luka 11:39

Lɔ ɔ he ɔ, Nyɔmtsɛ ɔ de lɛ ke, “Hyɛ, nyɛ Farisi bi, nyɛ fɔɔ nyɛ kplu kɛ kã he, se nyɛ mi lɛɛ e hyi tɔ kɛ ojo fiami, kɛ yi wu tso ní peemi.

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

La 27:11

Yawɛ, tsɔɔ mi nɔ́ nɛ o ngɛ hlae nɛ ma pee, nɛ o kpaka mi kɛ gu blɔ nɛ da nɔ, ejakaa i ngɛ he nyɛli babauu.

La 69:19

O le bɔ nɛ a bɔ mi ahlua, bɔ nɛ a gbe mi zo, kɛ bɔ nɛ a ha ye hɛ mi pue si. O le ye he nyɛli ɔmɛ tsuo pɛpɛɛpɛ.

Yesaya 26:7

Nihi nɛ peeɔ nɔ́ kpakpa a, a blɔ da tlɔmɔɔ; mo lɛ o ha a blɔ da ja a nɛ.