La 5:7 - BAIBLO ALOO NGMAMI KLƆUKLƆU Ɔ

⁷ Se imi lɛɛ, o mɔbɔ nami, kɛ o dloomi ɔ he je ɔ, ma nyɛ ma ba o we klɔuklɔu ɔ; ma ja mo ngɛ lejɛ ɔ kɛ gbeye yemi.

La 5:7 ပူးပေါင်းရင်းမြစ်များ

Matsɛmɛ I, 8:35

“Ke o tsi hiɔmi nya ngɛ yayami ko nɛ o ma, Israel pee kɛ si mo he, nɛ pee se ɔ, a tsake a tsui nɛ a ba we nɛ ɔ mi ba kpa mo pɛɛ kɛ he si bami ɔ,

Matsɛmɛ I, 8:38

ke o ma, Israel bi ɔmɛ ba we nɛ ɔ mi kakaaka, loo kutuu, nɛ a ba wo a nine nɔ nɛ a fa kue ha mo kɛ je a tsui mi ɔ, bɔ tsuaa bɔ nɛ a hiami ní ɔmɛ ngɛ ɔ,

La 101:7

Nɔ sisilɔ ko be ye we mi hie; lakpatsɛ ko hu be ye hɛ mi bae.

La 130:4

Se o ngɔɔ yayami kɛ paa, konɛ a ye mo gbeye.

La 132:7

Wa de ke, “Nyɛ ha waa ya Yawɛ we ɔ nɛ wa ya kpla si ngɛ e matsɛ sɛ ɔ hɛ mi!”

La 138:2

I ngɔ ye hɛ mi kɛ bu si kɛ kpee sɔlemi we klɔuklɔu ɔ; nɛ i ngɛ mo si nae kaa o suɔmi ɔ ngɛ daa, nɛ o yeɔ anɔkuale jã kɛ̃. Jehanɛ hu o ha nɛ a na kaa o biɛ kle pe biɛ tsuaa biɛ, nɛ o munyu hu he jua wa pe nɔ́ tsuaa nɔ́.

La 28:2

Ke i wo ye nine nɔ kɛ tsɔɔ o we klɔuklɔu ɔ, nɛ i fa kue kɛ bi mo yemi kɛ buami ɔ, moo bu mi tue.

La 34:17

Ke dali fa kue ha Yawɛ ɔ, e nuɔ, nɛ e jeɔ mɛ kɛ jeɔ a haomihi tsuo a mi.

La 51:1

Mawu, naa mi mɔbɔ ngɛ o suɔmi nɛ ngɛ daa a he; nɛ ngɛ o mɔbɔ nami nɛ be nyagbe ɔ he ɔ, tsu ye he yayami ɔmɛ.

La 52:8

Se imi lɛɛ i ngɛ kaa oliv tso ngɛ Mawu we ɔ. I ngɔ ye hɛ kɛ fɔ Mawu mɔbɔ nami nɔ; e mɔbɔ nami ɔ be nyagbe.

La 55:16

Se imi lɛɛ Yawɛ Mawu ɔ nitsɛ i ngɛ tsɛe, nɛ e ma he ye yi wami.

La 69:13

Yawɛ Mawu, imi lɛɛ pɛɛ i ngɛ mo kpae; be nɛ sa o hɛ mi ɔ, he mi nɔ ngɛ o suɔmi babauu nɛ be nyagbe ɔ he.

La 69:16

Yawɛ, he mi nɔ koo; ejakaa o suɔmi nɛ ngɛ daa a hi saminya; o mɔbɔ nami nɛ hiɛ babauu ɔ he ɔ, mo plɛ nɛ o hyɛ mi.

Abɛ Womi 6:16

Ní kpaago komɛ nɛ Yawɛ hiee, nɛ e sume saasaa ji: Hewo, Lakpa yemi, Nɔ nɛ pee we nɔ́ ko e muɔ si puemi, Ga yayami tomi, He sɔmi kɛ yayami peemi, Lakpa odase yelɔ, kɛ Nɔ nɛ woɔ e nyɛmimɛ a kpɛti pɛ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 64:11

Wa sɔlemi we klɔuklɔu saminyayoo, he nɛ wa nɛmɛ ɔmɛ je o yi ngɛ ɔ, a kɛ la sã, nɛ a kpata hehi nɛ ngɛ fɛu ɔ tsuo a hɛ mi.

Daniel 6:10

Benɛ Daniel nu kaa matsɛ ɔ ngɔ e nine kɛ wo mlaa a sisi ɔ, e je kɛ ho e we mi ya. Daniel ngɛ hiɔwe tsu ko ngɛ e we ɔ mi, nɛ o ma nyɛ maa hyɛ Yerusalem kɛ gu saflɛ ɔmɛ a mi ngɛ lejɛ ɔ. Kɛkɛ nɛ Daniel kpla si ngɛ e nakutso nya, ngɛ saflɛ nɛ bli kɛ fɔɔ si ɔ nya, nɛ e sɔle nɛ e na e Mawu ɔ si si etɛ kaa bɔ nɛ e peeɔ daa a.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Ni Tsumi 9:31

Bɔ nɛ pee nɛ asafo ɔmɛ nɛ ngɛ Yudea, Galilea, kɛ Samaria tsuo na tue mi jɔmi ji nɛ ɔ nɛ. Nyɔmtsɛ ɔ gbeye yemi ngɛ asafo ɔmɛ a mi. Enɛ ɔ he je ɔ, Mumi Klɔuklɔu ɔ wo asafo ɔmɛ he wami, nɛ a ya nɔ, nɛ nihi babauu ba piɛ a he.

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”