La 5:5 - BAIBLO ALOO NGMAMI KLƆUKLƆU Ɔ

⁵ He nɔ woli be nyɛe maa ba o hɛ mi; o sume nihi nɛ peeɔ yayami.

La 5:5 ပူးပေါင်းရင်းမြစ်များ

La 11:5

Yawɛ kaa dali. Se yayami peeli, kɛ yiwutsotsɛmɛ lɛɛ e sume mɛ kulaa.

Hosea 9:15

Yawɛ ke, “Israel ma a je a yayami peemi ɔ tsuo sisi ngɛ Gilgal, nɛ lejɛ ɔ a he bɔni mi tai peemi kɛ je. Yi wu tso níhi nɛ a pee ɔ a he ɔ, ma fie mɛ kɛ je zugba a nɔ. I be mɛ suɔe hu; Israel ma nimeli ɔmɛ tsuo tsɔ ye hɛ mi atuã.

La 1:5

Lɔ ɔ he ɔ, a maa gbla yayami peeli a tue, nɛ a kɛ mɛ be dali futue.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mose III, 20:23

Nyɛ ko pee nihi nɛ i ngɛ mɛ fiee kɛ je zugba a nɔ ɔ a kusumi níhi. Mɛɛ lɛɛ a pee musu níhi nɛ i ngɛ nyɛ a he mlaa woe nɛ ɔ, lɔ ɔ he ɔ, i hla we mɛ saasaa.

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Abɛ Womi 8:5

Nyɛ nɛ nyɛ be juɛmi ko juɛmi ko, nyɛɛ le ní; nyɛ kuasiahi, nyɛ na juɛmi.

Mateo 7:23

Kɛkɛ ɔ, imi hu ma de mɛ ke, ‘I li nyɛ! Nyɛɛ je ye nɔ, nyɛ nihi nɛ nyɛ peeɔ níhi nɛ dɛ blɔ!’

Zakaria 11:8

Nyɔhiɔ kake mi ɔ, to hyɛli etɛ komɛ nɛ sume mi ɔ, i ngmɛɛ a he, ejakaa a sane ba gbe ye nya.

Fiɛlɔ 5:4

Ke o wo Mawu si ɔ, ko ha nɛ e kɛ loko o ye nɔ; ejakaa Mawu na we kuasiahi a he bua jɔmi. Ye o siwo ɔ nɔ.

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

La 75:4

I ngɛ he nɔ woli dee ke, ‘Nyɛ ko fĩa!’ I ngɛ yiwutsotsɛmɛ dee ke, ‘Nyɛ ko wo nyɛ he nɔ!’

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

La 94:8

Ye ma, mɛni he je lɛ nyɛ biɛ kikɛ nɛ ɔ? Kuasiahi, mɛni be nyɛ maa le nɔ́?

La 92:6

Nɔ nɛ biɛ be enɛ ɔ lee; kuasia hu be sisi nue.

La 14:1

Kuasiahi a susumi ji, “Mawu ko be.” Mɛ tsuo a puɛ; ní yayamihi sɔuu lɛ a peeɔ; nɔ ko nɔ ko be nɛ peeɔ nɔ́ nɛ da.

La 73:3

Ejakaa ye hɛ kɔ he nɔ woli, kɛ yayami peeli a nɔ benɛ i na kaa a ngɛ nɔ yae ngɛ je mi ɔ.

La 10:3

Yayami peelɔ fĩaa kɛ fɔɔ níhi nɛ e tsui suɔ a nɔ. Nɔmlɔ nɛ hɛ kɔɔ nɔ́ nɔ ɔ, e gbiɛɛ Yawɛ, nɛ e kuaa lɛ.

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.