La 49:3 - BAIBLO ALOO NGMAMI KLƆUKLƆU Ɔ

³ Munyu nɛ maa je ye nya a, nile munyu sɔuu. Munyuhi nɛ a mi kuɔ saminya a he ma susu.

La 49:3 ပူးပေါင်းရင်းမြစ်များ

La 19:14

Yawɛ, ye wesa he, kɛ ye kpɔlɔ! Ha nɛ ye nya mi munyu, kɛ ye tsui mi susumi nɛ sa o hɛ mi.

Mateo 12:35

Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

Abɛ Womi 22:17

Bu tue, nɛ o nu munyuhi nɛ ní leli tuɔ, nɛ o kase ní kɛ je mi.

La 45:1

Benɛ i ngɛ la nɛ ɔ poe kɛ ha matsɛ ɔ, munyu kpakpa sɔuu lɛ ba ye yi mi. La a ba ye nya amlɔ nɔuu kaa bɔ nɛ ní ngmalɔ kpakpa ngɔɔ e ningma tso kɛ ngmaa ni esɔesɔ ɔ.

La 37:30

Dalɔ nya mi munyu ɔ, nile sɔuu; daa nɛ ɔ, e suɔ kaa a ye dami sane.

La 119:130

Ke a tsɔɔ o mlaa a sisi ɔ, e ngɛ kaa la, nɛ e haa kuasia po leɔ ní.

Hiob 33:33

Se ke o be nɔ́ ko nɛ o ma de ɔ, lɛɛ pee dii, nɛ o bu mi tue, nɛ ma tsɔɔ mo nile.

Hiob 33:3

Anɔkuale ɔ nɛ i le ɔ, lɔ ɔ ma de mo kɛ je ye tsui mi faa.

Mose V, 32:2

Ma tsɔɔ nyɛ ní kaa bɔ nɛ hiɔmi nɛɛ blɛuu kɛ pueɔ zugba nɔ nɛ e peeɔ kaa bɔ́ ɔ. Ma tu nyɛ munyu kaa bɔ nɛ hiɔmi fĩaa kɛ pueɔ tso bihi a nɔ, aloo kaa bɔ nɛ hiɔmi nɛɛ blɛuu kɛ pueɔ nga nɔ ɔ.

La 104:34

Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.

La 4:3

Se nyɛ ná nɛ nyɛɛ le kaa Yawɛ hla nihi nɛ peeɔ nɔ nɛ da kɛ ha e he; nɛ ke i tsɛ lɛ ɔ, e nuɔ.