La 49:18 - BAIBLO ALOO NGMAMI KLƆUKLƆU Ɔ

¹⁸ Ke e na bua jɔmi saminya, benɛ e na ní, nɛ nihi je e yi kaa e bɔ mɔde tete po ɔ,

La 49:18 ပူးပေါင်းရင်းမြစ်များ

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

Mose V, 29:19

Nyɛɛ hyɛ saminya nɛ nyɛ nihi tsuo nɛ nyɛ ngɛ somi munyu nɛ ɔmɛ nue mwɔnɛ ɔ ngɛ hiɛmɛ nɛ ɔ, nyɛ ti nɔ ko kó mlɔɔ e he kaa ke e pee lɛ nitsɛ e tsui wami nya ní ɔ, e maa hi ha lɛ ligbi ko. Ke nɔ ko pee ja a, nyɛ tsuo nyɛ hɛ mi ma kpata, nɔ kpakpa, kɛ nɔ yayami tsuo nɛ slɔɔto ko be mi.

La 10:3

Yayami peelɔ fĩaa kɛ fɔɔ níhi nɛ e tsui suɔ a nɔ. Nɔmlɔ nɛ hɛ kɔɔ nɔ́ nɔ ɔ, e gbiɛɛ Yawɛ, nɛ e kuaa lɛ.

Hosea 12:8

Bɔ nɛ Israel ma a deɔ ji, ‘Niatsɛmɛ ji wɔ. Wa ná ní babauu.’ Se ní nɛ a na babauu ɔ tsuo be nyɛe ma je a he yayami ɔ.

Ester 3:2

Matsɛ ɔ fa e tsɔli ɔmɛ tsuo nɛ ngɛ e sisi ɔ ke a bu Haman, nɛ a kpla si kɛ ha lɛ. Ni ɔmɛ tsuo peeɔ ja, se Mordekai kpla we si ha lɛ fɛɛ!

Samuel I, 25:6

nɛ a de lɛ ke, “He manye, ye nyɛmi. He jɔmi nɛ ba o we ɔ, kɛ o nɔ́ tsuaa nɔ́ nɔ.

Hiob 3:15

Jinɛ i kɛ ganɔhi nɛ bua sika tsu kɛ sika hiɔ nya tɔtɔɔtɔ ngɛ a wehi a mi ɔ hwɔɔ si mwɔnɛ ɔ.

Fiɛlɔ 5:14

Tlukaa a, matahu ba poɔ mɛ, nɛ sika a tsuo hɛ mi kpataa. Kɛkɛ ɔ, nɔ́ ko pa píɛ nɛ a ma si ha a bimɛ.