La 49:14 - BAIBLO ALOO NGMAMI KLƆUKLƆU Ɔ

¹⁴ a ma gbo kaa to gboɔ; gbenɔ maa ngɔ mɛ kɛ ya gbeje tɔɔ. Se ni nɛmɛ nɛ peeɔ nɔ nɛ da a maa ye yayami peeli a nɔ; yayami peeli a nɔmlɔ tso ɔ ma puɛ kulaa, nɛ gbeje maa pee a hi he.

La 49:14 ပူးပေါင်းရင်းမြစ်များ

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.

1 Korintobi 6:2

Anɛ nyɛ li kaa ni klɔuklɔu ɔmɛ lɛ maa kojo je ɔ lo? Saminya! Ke nyɛ lɛ nyɛ maa kojo je ɔ, lɛɛ sane wawi kojomi pi nɔ́ ko kulaa ha nyɛ.

Daniel 7:22

Pee se ɔ, nɔ nɛ ngɛ daa a ba, nɛ e ba wo Hiɔwe No ɔ we ni klɔuklɔu ɔmɛ nguɔ. Be ba su nɛ Mawu ni klɔuklɔu ɔmɛ a nine ba su matsɛ yemi ɔ nɔ.

Hiob 30:23

Niinɛ, i le kaa o ngɔ mi kɛ yaa gbeje, he nɛ a to kɛ ha nɔ́ tsuaa nɔ́ nɛ hɛ ngɛ ɔ.

Romabi 8:36

Kaa bɔ nɛ ngmami ɔ deɔ ɔ, “O he ɔ, be tsuaa be nɛ ɔ, wa ngɛ gbenɔ nya mi; a buɔ wɔ kaa tohi nɛ a yaa gbe.”

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

Daniel 7:18

Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

La 39:11

Ke o ka adesa hɛ mi, nɛ o gbla e tue ngɛ e he yayamihi a he pɛ o kpata e nɔ́ tsuaa nɔ́ hɛ mi pɛsɛpɛsɛ kaa bo nɛ wɔyewɔye ye. Niinɛ, nɔmlɔ adesa ngɛ kaa kɔɔhiɔ kɛkɛ.

La 30:5

E mi mi fuɔ be kuku kɛkɛ; se e mɔbɔ nami lɛɛ e ngɛ daa. O maa wo ya nyɔ mi, se ke je na pɛ bua jɔmi ba.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Yeremia 12:3

Se Yawɛ, imi lɛɛ o le mi saminya. O naa ye tsui mi níhi tsuo, nɛ juɛmi nɛ i ngɛ ngɛ o he hu o le. Moo gbla nimli yayami nɛ ɔmɛ kɛ ho kaa tohi nɛ a yaa gbe. Bu a he kɛ yaa si ligbi ɔ nɛ a maa gbe mɛ.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

La 47:3

E jɔɔ ma amɛ a he ha wɔ, konɛ waa ye a nɔ.

La 44:11

O ngɔ wɔ ngɔ ha kaa tohi nɛ a yaa gbe. O gbɛ wɔ ngɔ fĩa je ma amɛ a mi.

La 9:17

Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

Hiob 21:26

Nimli nɛ ɔmɛ tsuo gboɔ, nɛ a puɔ mɛ ngɛ zu mi, nɛ gɔgɔ ba haa mɛ tsuo a nɔ.

Hiob 21:13

A yeɔ a be ɔ ngɛ kplɔkɔtɔ mi, nɛ a gboɔ ngɛ tue mi jɔmi mi.

Hiob 4:21

Ke a he e he wami tsuo ngɛ e dɛ ɔ, kɛkɛ ɔ, e gbo be mi nɛ e li nɔ́ ko.”