La 47:8 - BAIBLO ALOO NGMAMI KLƆUKLƆU Ɔ

⁸ Mawu hii si ngɛ e matsɛ sɛ klɔuklɔu ɔ nɔ! E ngɛ je ma amɛ tsuo a nɔ yee.

La 47:8 ပူးပေါင်းရင်းမြစ်များ

Kronika I, 16:31

Hiɔwe kɛ zugba, nyɛ nya! Nyɛ de je ma amɛ ke Yawɛ ngɛ matsɛ yee.

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

La 9:4

Ejakaa o kojoɔ ngɛ dami kɛ anɔkuale nya; o ye ye sane ɔ ha mi, nɛ o wo mi nguɔ.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

La 110:6

E maa gbla je ma amɛ a tue; nɛ ma amɛ a mi ma hyi tɔ kɛ ni gbogboehi. E ma kpata matsɛmɛ ɔmɛ a hɛ mi ngɛ je ɔ mi tsuo.

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.

La 97:1

Yawɛ ngɛ matsɛ yee! Mo je, mo nya koo! Nyɛ zugbahi tsuo nɛ wo bɔle nyɛ, nyɛ bua nɛ jɔ, nɛ nyɛ nya!

La 96:10

Nyɛ de je ma amɛ tsuo ke, “Yawɛ ngɛ matsɛ yee! A ngɔ je ɔ ngɔ ma si ngɛ e hi he, nɛ nɔ ko be nyɛe ma mimiɛ lɛ. E maa kojo je ma amɛ ngɛ dami nya.”

La 94:20

Kojoli nɛ yi dami sane, kɛ ni nɛmɛ nɛ woɔ mlaa yaya a, anɛ o kɛ mɛ maa bɔ lo?

La 48:1

Yawɛ kle, nɛ e sa kaa a je e yi saminya. A je e yi ngɛ wa Mawu ɔ ma a mi ngɛ yo klɔuklɔu ɔ nɔ.

La 99:2

Yawɛ he biɛ ngɛ Zion wawɛɛ nitsɛ; e kle pe je ma amɛ tsuo.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.