La 47:4 - BAIBLO ALOO NGMAMI KLƆUKLƆU Ɔ

⁴ Lɛ nitsɛ nɛ e ngɔ zugba nɛ wa ngɛ nɔ nɛ ɔ ngɔ ha wɔ. E ngɔ weto ní kpakpa nɛ ɔ ngɔ ha e ma Yakob nɛ e suɔ saminya a.

La 47:4 ပူးပေါင်းရင်းမြစ်များ

1 Petro 1:4

Lɔ ɔ he ɔ, wa hɛ ngɛ nɔ kaa Mawu ngɔ gbosi ní nɛ puɛ we, nɛ mu be he, nɛ kpa we hulɔ ɔ ngɔ to ha nyɛ ngɛ hiɔwe.

Nahum 2:2

(Yawɛ miɔ nɛ e wo Israel hɛ mi nyami ekohu kaa bɔ nɛ e ngɛ sa loko he nyɛli ɔmɛ ba kpata ngmɔ ɔmɛ a hɛ mi ɔ).

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”

Amos 8:7

Yawɛ, nɔ nɛ Israel woɔ e hɛ mi nyami ɔ ka kita ke, “Ye hɛ be a ní yayami ɔmɛ a nɔ jee gblegbleegble.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Malaki 1:2

Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.” Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?” Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina,

Ezekiel 20:6

Jamɛ a ligbi ɔ, i ka mɛ kita ke ma je mɛ kɛ je Egipt zugba a nɔ, nɛ ma kpaka mɛ kɛ ya zugba ko nɛ i hla ha mɛ, zugba kpakpa nɛ baa ní saminya, nɛ e ngɛ fɛu pe kulaa nɔ.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Yesaya 60:15

“A be mo kuae, nɛ a be mo nyɛe hu kaa sa be ko nɛ o pee ma doku nɛ nɔ ko gui lejɛ ɔ. Ma wo o nɔ gojoo, nɛ o he maa pee fɛu. O maa pee he nɛ bua jɔmi maa hi daa.

La 16:3

Hyɛ bɔ nɛ Yawɛ e ni klɔuklɔuhi nɛ ngɛ je ɔ mi ɔ a hɛ mi ngɛ nyami ha! Mɛ ji ni nɛmɛ nɛ i naa a he bua jɔmi.

Mose V, 11:12

Yawɛ, nyɛ Mawu ɔ baa zugba nɛ ɔ yi, nɛ e buu he jeha a mi tsuo.

Mose V, 33:3

Yawɛ suɔ e ma a; nihi nɛ ji e ni klɔuklɔu ɔmɛ ɔ, e baa a yi. Lɔ ɔ he ɔ, wa kplaa si ngɛ e nane nya; wa jaa lɛ, nɛ wa yeɔ e mlaa amɛ a nɔ.

La 136:22

Lɛ nɛ e ngɔ zugba amɛ kɛ ha e tsɔlɔ, Israel kaa e weto ní; ejakaa e suɔmi ɔ ngɛ kɛ yaa neneene!