La 47:1 - BAIBLO ALOO NGMAMI KLƆUKLƆU Ɔ

¹ Je ma amɛ tsuo, nyɛɛ fia nyɛ dɛ mi! Nyɛɛ kɛ bua jɔmi nɛ he ose kɛ je Mawu yi!

La 47:1 ပူးပေါင်းရင်းမြစ်များ

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

La 98:4

Je ɔ tsuo, nyɛ hwɔ lele kɛ ha Yawɛ. Nyɛ he ose, nɛ nyɛ la kɛ bua jɔmi kɛ je e yi.

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 47:5

Mawu ho hiɔwe ya, nɛ a he ose! Yawɛ ho hiɔwe ya, nɛ titimati pɛ, benɛ e yaa hi e sɛ ɔ nɔ ɔ!

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Samuel II, 6:15

David kɛ Israel tsuo ngɔ Yawɛ daka a kɛ ba kɛ lele hwɔmi kɛ koli kpami.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Zakaria 4:7

Mo yo gagaa, mɛni kulaa ji mo ngɛ Zerubabel hɛ mi? E maa ba mo si, nɛ o maa pee kaa nga kplanaa. Be nɛ o kɛ nyagbe tɛ ɔ maa ma e blɔ he ngɛ tsu ɔ yi mi ɔ, ma a tsuo ma he ose ke, ‘Afɛu nɔ oo, afɛu nɔ!’ ”

La 98:8

Nyɛ pahi, nyɛɛ fia nyɛ dɛ! Nyɛ yokuhi tsuo, nyɛ nya ngɛ Yawɛ hɛ mi,

Kronika II, 13:15

Yuda bi ɔmɛ he ose, nɛ Abiya nyɛɛ a hɛ mi kɛ ya tua Israel bi ɔmɛ. Mawu ye Yeroboam kɛ Israel ma a tsuo a nɔ kunimi.

Samuel I, 10:24

Samuel de ma a tsuo ke, “Nyumu ɔ nɛ Yawɛ hla ji nɛ ɔ nɛ. Nɔ ko nɔ ko be kaa lɛ ngɛ ma mi bi ɔmɛ tsuo a kpɛti.” Kɛkɛ nɛ ma a tsuo hwɔ lele nɛ a de ke, “Matsɛ yi nɛ e na wa!”

Zefania 3:14

Yerusalem bi, nyɛ la kɛ bua jɔmi; Israel ma, nyɛ hwɔ lele. Yerusalem bi, nyɛ nya nɛ nyɛ bua nɛ jɔ nyɛ he.

La 42:1

Mawu lee, ye tsui ngɛ sue kɛ ngɛ mo hlae wawɛɛ kaa bɔ nɛ odabɔ tsui suu kɛ hlaa nyu ɔ.