La 46:4 - BAIBLO ALOO NGMAMI KLƆUKLƆU Ɔ

⁴ Pa ko ngɛ nɛ e kɔni ɔmɛ haa Mawu ma a bua jɔɔ a he. Hiɔwe no ɔ hi he ɔ ngɛ klɔuklɔu.

La 46:4 ပူးပေါင်းရင်းမြစ်များ

La 87:3

Mawu ma, bu tue! Yawɛ ngɛ ní kpakpahi dee ngɛ o he:

La 48:8

Wa nu kaa Mawu tsu nyakpɛ níhi ba be; jehanɛ lɛɛ wa na nyakpɛ níhi nɛ e tsu ɔ ngɛ Yawɛ Tabohiatsɛ, wa Mawu ɔ ma a mi. E ma ha ma a maa ma si kpɛii kɛ maa ya neneene.

La 23:2

E haa nɛ i jɔɔ ye he ngɛ nga mumu nɔ, nɛ e ngɔɔ mi kɛ yaa takuhi kɛ a mi nyu jɔjɔɛ he.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

La 65:9

O slaa zugba a, o haa lɛ nyu, nɛ e baa ní babauu. Ke o ha pa a hyi kikɛ nɛ ɔ, ngmɔ ɔmɛ baa ní saminya. Bɔ nɛ o peeɔ lɛ ha ji nɛ ɔ nɛ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Kpojemi 21:10

Kɛkɛ nɛ mumi ɔ ba ye nɔ, nɛ bɔfo ɔ ngɔ mi kɛ ho yo gagaa ko yi mi ya. E tsɔɔ mi Yerusalem, ma klɔuklɔu ɔ nɛ je hiɔwe ngɛ Mawu ngɔ kɛ ma zugba a;

Mika 6:6

Ke i ma nɛ ma ba ja Yawɛ, hiɔwe Mawu ɔ, mɛni ma hɛɛ kɛ ba ha lɛ? Anɛ ma ngɔ na bihi nɛ a ye jeha kakaaka kɛ ba sá sami bɔ ha lɛ lo?

La 92:1

Yawɛ, e hi kaa a na mo si. E hi kaa a la kɛ je mo, Hiɔwe No ɔ o yi.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

La 48:1

Yawɛ kle, nɛ e sa kaa a je e yi saminya. A je e yi ngɛ wa Mawu ɔ ma a mi ngɛ yo klɔuklɔu ɔ nɔ.

La 43:3

Ha nɛ o la a, kɛ o we anɔkuale ɔ nɛ ba esɔesɔ; ha nɛ a ba tsɔɔ mi blɔ, nɛ a kpaka mi kɛ ya Zion yo klɔuklɔu ɔ nɔ; a kpaka mi kɛ ya mo nitsɛ o we ɔ he nɛ o hii ɔ.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

La 92:8

Se mo Yawɛ, moo lɛɛ o maa ye tsɛ daa.

La 93:3

Yawɛ, wo ɔ ngɛ gbi woe; ee, wo ɔ ngɛ pɛe; oslɔke ɔmɛ ngɛ kue kɛ ngmlaa.