La 46:3 - BAIBLO ALOO NGMAMI KLƆUKLƆU Ɔ

³ Ke wo ɔ gli, nɛ oslɔke ɔmɛ ku kɛ ngmlaa hoo, nɛ e ha yo ɔmɛ mimiɛ po, wa be gbeye yee.

La 46:3 ပူးပေါင်းရင်းမြစ်များ

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

Kpojemi 16:20

Zugba kpɔhi tsuo nɛ wo bɔle mɛ ɔ laa, nɛ a nɛ yokuhi hu.

Mateo 7:25

Hiɔmi ba nɛ, nɛ pahi hia, nɛ kɔɔhiɔ fia wawɛɛ kɛ si tsu ɔ. Se tsu ɔ hule we, ejakaa a to sisi ngɛ tɛ sa nɔ.

Yesaya 5:3

Lɔ ɔ he ɔ, ye huɛ ɔ de ke, “Nyɛ nihi nɛ nyɛ ngɛ Yerusalem kɛ Yuda, nyɛɛ hyɛ sane nɛ ngɛ i kɛ ye wai ngmɔ ɔ wa kpɛti ɔ mi ha wɔ.

La 18:4

Gbenɔ oslaa bɔle mi kɛ kpe; niinɛ, nimli yayamihi babauu bɔle mi kaa pa nɛ hia kɛ bee.

Hiob 38:11

I de wo ɔ ke, “Moo fia kɛ ba su hiɛ ɔ pɛ; koo be he! O we oslɔke ngua amɛ ɔ, he nɛ a ma ba ta ji nɛ ɔ nɛ.”

Kpojemi 17:15

Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.

Yeremia 4:24

I hyɛ yo ɔmɛ a nɔ, nɛ yo ɔmɛ ngɛ mimiɛe; yoku ɔmɛ ngɛ mimiɛe kɛ ngɛ yae kɛ ngɛ bae.

Matsɛmɛ I, 19:11

Yawɛ de lɛ ke, “Jee kpo nɛ o ya da si ngɛ ye hɛ mi ngɛ yo ɔ nɔ.” Kɛkɛ nɛ Yawɛ ba be kɛ ho, nɛ e ha kɔɔhiɔ nɛ nya wa ba fia yo ɔ, nɛ e ywia tɛ sa amɛ, se Yawɛ be kɔɔhiɔ ɔ mi. Kɔɔhiɔ ɔ kpa fiami, nɛ zugba mimiɛ; se Yawɛ be zugba mimiɛmi ɔ mi.

Yesaya 54:10

Yo ɔmɛ, kɛ yoku ɔmɛ maa ywia pue si, se suɔmi nɛ i ngɛ kɛ ha mo ɔ se be poe. Somi nɛ i kɛ mo so kaa ma ha o tue mi nɛ jɔ mo ɔ, ma ye nɔ kɛ maa ya neneene.” Imi Yawɛ, o mɔbɔ nalɔ ɔ nɛ i de.