La 45:8 - BAIBLO ALOO NGMAMI KLƆUKLƆU Ɔ

⁸ O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

La 45:8 ပူးပေါင်းရင်းမြစ်များ

Lahi 1:3

O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

Yohane 19:39

Nikodemo, nɔ nɛ be ko e ya Yesu ngɔ nyɔ mi ɔ, lɛ hu e ngɔ tsopa kɛ e he via, nɛ ji mire kɛ aloe nɛ a futu, nɛ jiimi maa pee kilo nyingmi etɛ kɛ ba, nɛ e piɛ Yosef he kɛ ho.

Lahi 4:6

Ma hi yo ɔ nɔ he nɛ mimɛ ngɛ ɔ; ma hi yoku ɔ nɔ he nɛ tsopa kɛ e he via ngɛ ɔ, kɛ yaa su be nɛ mɔtu kɔɔhiɔ ma bɔni fiami, nɛ je mi ma tsɔ.

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

La 16:11

O maa tsɔɔ mi blɔ ɔ nɛ yaa wami mi ɔ. Lejɛ ɔ, ngɛ o hɛ mi ɔ, ma na bua jɔmi nitsɛnitsɛ, bua jɔmi nɛ se be poe kɛ maa ya neneene.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Yohane 14:2

Sihi hehi babauu ngɛ Tsaatsɛ we ɔ; ke pi ja a, jinɛ i de nyɛ momo, ejakaa i yaa nɛ ma ya dla he ko ngɔ to nyɛ.

Amos 3:15

Ma ku wehi nɛ ngɛ ma amɛ, kɛ kɔpe ɔmɛ a mi ɔ ngɔ pue si. Wehi nɛ a kɛ suɔ wu dla a mi ɔ maa hule pue si, nɛ wehi babauu a hɛ mi ma kpata.” Yawɛ lɛ de.

Lahi 5:13

E tsitsa ngɛ kaa abɔɔ ko nɛ tsopa kɛ e he via ngɛ via jee liliili ngɛ mi. E nya lo ngɛ kaa nga nɔ mɔmɔhi nɛ mimɛ nyu pɔ mɛ.

Lahi 5:5

I te si, konɛ ma bli sinya a ha ye suɔlɔ ɔ. I kpa ye kɔni ɔmɛ a he mimɛ, nɛ e he nyu ɔ ngɛ dɛe ngɛ ye nine nguɛ nya kɛ ngɛ sinya a se lami nɔ́ ɔ nɛ i pɛtɛ he ɔ nɔ puee.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 1:13

Ye suɔlɔ ɔ ngɛ ye gugue mi; e he ngɛ via jee kaa mimɛ.

La 150:4

Nyɛɛ fia miɛ, nɛ nyɛɛ do kɛ je e yi; nyɛ je e yi kɛ kpa saku, kɛ bɛ!

Matsɛmɛ I, 22:39

Ahab he sane kpahi nɛ piɛ, we ɔ nɛ e kɛ suɔ wu ma a, kɛ ma kpahi nɛ e po ɔ, a ngma tsuo ngɛ Israel Matsɛmɛ ɔmɛ a Blema Sanehi Womi ɔ mi.

La 45:15

A ngɔ mɛ kɛ ba matsɛ we ɔ kɛ bua jɔmi, kɛ nyami.

La 11:7

Ejakaa Yawɛ ɔ, dalɔ ji lɛ; e suɔ kaa a pee níhi nɛ da. Dali maa na e hɛ mi.